YI APENDISE 1
Wãrĩnuarata jaradiakĩrãpanʉ dayirãbara
Jesubara jarasi ẽbẽra biarabara ũdukʼawuadaita wãrĩnuarãra ãyaʼa jaradiabʉdade (Juan 10:4, 27). Maʉ̃ba ẽbẽraʉ̃me bedʼeabʉrʉde jaradiakĩrãpanʉ Daizeze Bedʼeaba jarabʉta. Jaradia jʉ̃drʉi naena, jarakʉra naʉ̃ta: «¿Bʉara krĩchabarika . . . ?», mawũã ẽ bʉrʉ «¿Jarabadaka naʉ̃ ʉ̃rʉra . . . ?». Mõbe jʉrʉda Daizeze Bedʼeade testo aba, maʉ̃neba jaradiara. Bʉa wiña jaradiabʉrʉba ãyi sode ameñi Daizeze Bedʼeara, aramaʉ̃ta Jeowaba wari wãbiyi maʉ̃ra wiña wiñane (1 Cor. 3:6, 7).
KʼÃRẼ Ʉ̃RA ZEITA
-
1. Nemitia berabarinʉmʉba ũdubibʉ aranʉ nebia zeita (Mat. 24:3, 7, 8; Luc. 21:10, 11; 2 Tim. 3:1-5).
-
2. Naʉ̃ drʉara ewari jõmaʉ̃nẽ jõ ẽ bayi (Sal. 104:5; Ecl. 1:4).
-
3. Naʉ̃ drʉara wuara zʉbʉria ẽ bayi, ẽjũã kĩrãwãreã bayi jipa (Isa. 35:1, 2; Apo. 11:18).
-
4. Wua kaya ẽ bayi ẽbẽrarã (Isa. 33:24; 35:5, 6).
-
5. Bʉra ewari jõmaʉ̃nẽ baseabʉ egoro biadera (Sal. 37:29; Mat. 5:5).
MEBẼRÃ
-
6. Yumakẽrãbara kãgaibara yi kimara, iyikʉza «kagabʉ kĩrãkʼa» (Efe. 5:33; Col. 3:19).
-
7. Yuwẽrãbara wawia ũdubibara yi kimara (Efe. 5:33; Col. 3:18).
-
8. Juwa jidapanʉrabara ũdubibara yi kãgapanʉta ãyirai (Mal. 2:16; Mat. 19:4-6, 9; Heb. 13:4).
-
9. Warrarabara wawiaibara yibarirãra bia wãita (Prov. 1:8, 9; Efe. 6:1-3).
DAIZEZE
-
10. Daizezera trʉ̃ barabʉ (Sal. 83:18; Jer. 10:10).
-
11. Daizezebara bedʼea biata diasi (2 Tim. 3:16, 17; 2 Ped. 1:20, 21).
-
12. Daizezebara jõma aripe obʉ (Deu. 10:17; Hech. 10:34, 35).
-
13. Daizezebara kʼarebakĩrãbʉ dayirãra (Sal. 46:1; 145:18, 19).
YIWIDʼI
-
14. Daizezebara kãgabʉ iyaʼa yiwidʼidamarẽã (Sal. 62:8; 65:2; 1 Ped. 5:7).
-
15. Daizeze Bedʼeaba jaradiabʉ sãwũã yiwidʼita (Mat. 6:7-13; Luc. 11:1-4).
-
16. Badua yiwidʼidaibara (Mat. 7:7, 8; 1 Tes. 5:17).
JESU
-
17. Jesura nejaradiabari biabasi akʉza iyi ũrãgʼara yibia jipa (Mat. 6:14, 15, 34; 7:12).
-
18. Jesubara yi jaramabasi idi kʼãrẽ berabarinʉmʉra (Mat. 24:3, 7, 8, 14; Luc. 21:10, 11).
-
19. Jesura Daizeze warra (Mat. 16:16; Juan 3:16; 1 Juan 4:15).
-
20. Jesura Daizeze ẽ (Juan 14:28; 1 Cor. 11:3).
DAIZEZE NOKʼO
-
21. Daizezebara Nokʼota erbʉ ʉ̃tʉra (Dan. 2:44; 7:13, 14; Mat. 6:9, 10; Apo. 11:15).
-
22. Daizeze Nokʼobara jõbiyi nokʼora naʉ̃ drʉadebemara (Sal. 2:7-9; Dan. 2:44).
-
23. Daizeze Nokʼobʉrʉ jõma ara oyi ẽbẽra zʉbʉriabibʉra (Sal. 37:10, 11; 46:9; Isa. 65:21-23).
ZɄBɄRIA
-
24. Daizezebara o ẽ zʉbʉriara (Deu. 32:4; Sant. 1:13).
-
25. Ãtomiaba zokʼabʉ naʉ̃ drʉara (Luc. 4:5, 6; 1 Juan 5:19).
-
26. Daizezeba akʉbʉ bʉ zʉbʉriabʉra, maʉ̃ba kʼarebakĩrãbʉ (Sal. 34:17-19; Isa. 41:10, 13).
-
27. Daizezebara aranʉ jõbiyi zʉbʉriara (Isa. 65:17; Apo. 21:3, 4).
BEI
-
28. Beidarabara mia k’ãrẽsida kʼawua ẽ mia zʉbʉriapanʉ ẽ (Ecl. 9:5; Juan 11:11-14).
-
29. Beidabara kʼareba be ẽ dayirãra mia zʉbʉriabi ẽ (Sal. 146:4; Ecl. 9:6, 10).
-
30. Dayirã mebẽrã beidarãra piradrʉdayi (Job 14:13-15; Juan 5:28, 29; Hech. 24:15).
-
31. «Beira wuara neẽ bayi» (Apo. 21:3, 4; Isa. 25:8).
RELIGION
-
32. Daizezebara religionrãra jõma kãgabʉ ẽ (Jer. 7:11; Mat. 7:13, 14, 21-23).
-
33. Daizezebara jʉra iyi ĩjãbʉ abʉde aripe o ẽãra (Isa. 29:13; Miq. 3:11; Mar. 7:6-8).
-
34. Religion wãrĩnuarãra ũdukʼawuabʉ kãga ũdubibʉdeba (Miq. 4:3; Juan 13:34, 35).