YI 13
Ũdubita kʼãrẽa yibiata
Proverbios 3:21
JARAKĨRÃBɄ: Kʼarebara yi ũrĩpanʉraba krĩchadamarẽã, bʉa bedʼea jaradiabʉba kʼarebaseabʉta aba abaka, adewara ũdubira ãya bedʼea kʼawuadata sãwũã oibarata.
SÃWŨÃ OSEABɄ
-
Krĩchara yi ũrĩpanʉra ʉ̃rʉ. Biʼia krĩchara, bʉa bedʼea jara ũrĩbibʉra yi ũrĩpanʉrabara kʼãrẽa ũrĩta nesidapanʉta, maʉ̃ krĩchape jʉrʉda kʼãrẽ bedʼeaba kʼarebaseabʉta.
-
Bʉa jaradianʉmʉne, biʼia jaradia amaera kʼãrẽta oibarata yi ũrĩpanʉrabara. Bʉa jaradia jʉ̃drʉbʉrʉdeba yi ũrĩpanʉrabara krĩchadaibara: «Mʉ̃ita naʉ̃ bedʼeara». Bedʼea audre yibia jaradianʉmʉne jarada sãwũã oseabʉta maʉ̃ bedʼeara ãyi bebʉde.