Bedʼea audre yibia ʉ̃rʉ jarada. Testo leda tẽã, jara ũrĩbira kʼãrẽ bedʼeata abarikabʉta bʉa jaradiakĩrãbʉmera. Maʉ̃itara bedʼea audre yibiata jẽda jaraseabʉ mawũã ẽ bʉrʉ widira ẽbẽrarã maʉ̃ testodebemara saʉ̃ bedʼeata audre yibiata.

Bedʼea yibiata jara ũrĩbira. Testo lei naweda jara ũrĩbira kʼãrẽa lekĩrãbʉta akʉza jara ũrĩbira maʉ̃ bedʼea audre yibiara kʼãrẽne abarikabʉta, adewara kʼãrẽa lesita.

Bedʼea zareade jara ũrĩbirãra. Bʉa jarakĩrãbʉta abarika bʉ ẽ bʉrʉ yi bedʼea audre yibiaʉ̃me jara ẽ baibara. Nããra biʼia krĩchara ẽbẽrarãba nekʼãrẽ kʼawuabʉta bʉa jaradiai ʉ̃rʉra mõbebʉrʉ jaradiara ãya kʼawua ẽãta.