Nejaradiabari baibara (Heb. 5:12). Jeowara jõmara audre Nejaradiabari bia, mawũãsidu Jeowabara kãgabʉ dayirãba jaradiamarẽã iyi ʉ̃rʉ wuabemara ẽbẽrarãʼa. Jeowa ʉ̃rʉ jaradiaita dayirã mebẽrã, wuabemara ẽbẽrarã akʉza kongregasione naʉ̃ra badu trajo ẽ, maʉ̃ kʼarea biʼia oibara maʉ̃ trajora akʉza sobiade. Mamina ¿sãwũã nejaradiabari bia baseabʉ?

Naʉ̃ widira panʉbʉ Pabloba karta Timoteoʼa bʉdadeba: «Badua nemi jĩgʉa lera Daizeze Bedʼeata ẽbẽrarã daidu, ũrãgʼaide akʉza jaradiaide». Akʉza jarasi: «Bʉa mawũã ora bʉta ẽdrʉyi akʉza yi wuabemara bʉa jaradiabʉ ũrĩbʉsida ẽdrʉbiyi» (1 Tim. 4:13, 16). Bedʼea dayirãba jaradiabʉbara ẽdrʉbibʉ ẽbẽrarã. Maʉ̃ kʼarea zarea oibara nekʼãrẽ lebarira bia bʼaita akʉza nejaradiabarira bia bʼaita. Maʉ̃ita osida naʉ̃ kartara. Akʉdayi sãwũã jarabʉta.

Jeowara yi Audre Nejaradiabari Bia (Is. 30:20). Naʉ̃ kartabara, kʼarebayi bʉra nekʼãrẽ lebari bia bamarẽã akʉza nejaradiabari bia bamarẽã, mamina kĩrãduarãra Jeowabʉrʉ zebibʉta ẽbẽrarã iyima akʉza dayirãba jaradiabʉra jõma iyideta (Juan 6:44). Maʉ̃ kʼarea ewariza widira iyi jaure zareata akʉza zokʼara Daizeze Bedʼeata. Bʉ ʉ̃rʉ biʼia bedʼeabikaʉde Jeowa ʉ̃rʉ biʼia bedʼeabira. Nekʼãrẽ jõma ora bʉyi juwadebʉta mawũã ẽbẽrarãba soiduba kãgadamarẽã Jeowata.

Jeowabara bʉra jʉrʉsi, bedʼea naʉ̃ Drʉade audre yibiata wuabemaraʼa jara ũrĩbimarẽã. Daibara kʼawuapanʉ, maraba soiduba ĩjãpanʉbʉrʉ Daizeze Jeowa zareadeba, jõma bia oita (1 Ped. 4:11).

Marabawara ãba jaradiapanʉ,

Zõrãrã Burubia ãba yi jʉrepanʉrane Jeowa ʉ̃rʉ Kʼawuabipanʉrã