ÑUMEN WEÑʼESAN A SUBTʼAN
Ñumen weñʼesan a subtʼan: Chajpan bajcheʼ mi caj a wʌcʼ jiñi revista tac
¿CHUCOCH ÑUC I CʼΛJÑIBAL? Miʼ wen coltañonla muʼ bʌ i tilel yaʼ ti Jun chaʼan lac tempa bʌ chaʼan bajcheʼ miʼ mejlel la cʌcʼ jiñi jun tac, pero jumpʼejl jach ejemplo chaʼan bajcheʼ miʼ mejlel lac mel. Miʼ mejlel a wʌl ti a bajñel tʼan. Tajol an yambʌ bajcheʼ a wom a tsictesan o tajol a wom a wʌl yambʌ temaj muʼ bʌ i mulañob yaʼ ti a territorio. Mi cheʼ bajcheʼ jiñi, ñaxan pejcan jiñi revista, tsajin jiñi am bʌ tiʼ yopol 1 yicʼot qʼuele jiñi demostración tac am bʌ ti video, cheʼ jiñi, mele cheʼ bajcheʼ miʼ yʌl ilayi cheʼ bʌ maʼ chajpan a bʌ.
¿BAJCHEʼ YOM MIʼ MEJLEL?
¿Muʼ ba caj a cʼʌn jiñi am bʌ tiʼ yopol 1?
MUCʼΛCH
-
Chajpan muʼ bʌ caj a wʌl ti ñaxan cheʼ maʼ pejcan jiñi quixtañu yicʼot cheʼ maʼ tsictesʌben chucoch woli a julaʼtan. (Ejemplo: «Tsaʼ tiliyon come...»).
-
Cheʼ bʌ tsaʼix a melbe jiñi cʼajtiya, ñaʼtan chuqui mi caj a wʌl chaʼan maʼ pʌsben jiñi texto yicʼot chaʼan maʼ wʌqʼuen jiñi jun. (Ejemplo: Chaʼan maʼ pejcʌben jumpʼejl versículo, miʼ mejlel a wʌl: «Qʼuele muʼ bʌ i yʌl jiñi Biblia»).
MAʼAÑIC
-
Sʌclan jumpʼejl temaj yaʼ ti revista tac muʼ bʌ i mulan i cʌñob yaʼ ti a territorio.
-
Ñaʼtan jumpʼejl cʼajtiya chaʼan miʼ yʌqʼuen i jacʼbal, pero mach a wʌcʼ chaʼan lecoj miʼ yubin i bʌ. (Ejemplo: Cʼʌñʌ jiñi cʼajtiya am bʌ tiʼ yopol 2 ti jiñi revista tac).
-
Sʌclan jumpʼejl texto yicʼot pejcan. (Ti jiñi ¡Despertad!, mele bajcheʼ iliyi mi cheʼʌch a wom come ili revista melbil chaʼan jiñi mach bʌ i wen cʌñʌyobic chuqui miʼ yʌl jiñi Biblia o maʼañic bʌ miʼ chʼujbiñob jiñi ñopbalʌl tac).
-
Chajpan tʼan tac chaʼan maʼ tsictesʌben bajcheʼ miʼ mejlel i coltan cheʼ miʼ pejcan jiñi temaj.
JIÑΛCH BAQUI BΛ
-
Ñaʼtan jumpʼejl cʼajtiya chaʼan maʼ wʌqʼuen i jacʼbal ti yambʌ julaʼ.
-
Tsʼijbun muʼ bʌ i mejlel i coltañet a wʌl ti yambʌ julaʼ.
