Jeremías tsaʼ chojqui majlel i suben jiñi judíojob chaʼan mi caj i jisʌntelob ti caj tsaʼ ñajʌyi i chaʼañob Jehová (Jer. 13:25). ¿Bajcheʼ tsiʼ ñajtʼesayob i bʌ ti Dios jiñi israelob? Jiñi familia ti Israel tsiʼ cʌyʌ i tsajcañob Jehová. Jiñi tatʌlob maʼan tsiʼ qʼueleyob ti ñuc jiñi ticʼojel am bʌ ti Deuteronomio 6:5-7.

Ili ora, jiñi familia tac pʼʌtʌl bʌ tiʼ chaʼan Jehová miʼ yʌqʼuen i wenlel jiñi congregación. Jiñi tatʌlob miʼ mejlel i coltan i chaʼañoʼ bʌ yaʼ ti chʼujutesaya ti familia chaʼan maʼañic miʼ ñajʌyel i chaʼañob Jehová (Sal. 22:27). Cheʼ miʼ yujtel ti qʼuelol jiñi video Ili tʼan tac yom ya’an ti a pusic’al: Baqui miʼ melbentel entrevista familia tac, jacʼʌla ili cʼajtiya:

• ¿Bajcheʼ an i meleyob ojlil familia cheʼ bʌ an wocol chaʼan jiñi i chʼujutesaya ti familia?

• ¿Baqui bʌ wenlel an i taja jiñi familia maʼan bʌ miʼ cʌyob i mel jiñi chʼujutesaya ti familia?

• ¿Chuqui ti wocol yom mic mʌlben chaʼan miʼ mejlel c chʼujutesan Jehová yicʼot c familia, i chuqui woli c ñaʼtan c mel chaʼan maʼan miʼ mʌctañon?