Jiñi folleto ¿Majquiyob woli bʌ i melob chuqui yom Jehová ti ili ora? chajpʌbil chaʼan mi laj qʼuel yicʼot muʼ bʌ la cʌqʼuen estudio, tiʼ tejchibal o ti’ yujtibal jujumpʼejl estudio. * Jiñi cʌntesʌntel 1 cʼʌlʌl ti 4 miʼ tsictesan majquiyonla i testigojonbʌla Jehová, jiñi cʌntesʌntel 5 cʼʌlʌl ti 14 mi’ yʌl chaʼan la queʼtel i jiñi 15 cʼʌlʌl ti 28 miʼ yʌl chaʼan lac organización. Ñumen wen cheʼ belecña mi laj qʼuel majlel la quicʼot jiñi muʼ bʌ lac pʌsben estudio, pero mi an jumpʼejl temaj yom bʌ i ñaʼtan miʼ mejlel laj qʼuel. Jujumpʼejl cʌntesʌntel an jach jumpʼejl i yopol, miʼ mejlel ti chajpʌntel ti 5 o 10 minuto.

• Ñumen tsictesan jiñi título melbil bʌ ti jumpʼejl cʼajtiya.

• Comol pejcanla jiñi cʌntesʌntel tiʼ tejchibal o cʼʌlʌl tiʼ yujtibal o ti jujumpʼejl sección.

• Miʼ mejlel laʼ wʌl tsaʼ bʌ laʼ pejca. Miʼ mejlel a cʼʌn jiñi cʼajtiya tac am bʌ tiʼ yujtibal jujumpʼejl cʌntesʌntel, i cheʼ jaʼel jiñi dibujo tac. Pejcanla yicʼot tsajinla jiñi versículo tac yaʼ bʌ an mi cheʼ laʼ wom. Pʌsben chaʼan jiñi subtítulo am bʌ ti iʼicʼ miʼ yʌqʼuen i jacʼbal jiñi título melbil bʌ ti cʼajtiya.

• Mi jiñi cʌntesʌntel miʼ chʼʌm tilel jumpʼejl recuadro «Chaʼan maʼ ñumen cʌn majlel», pejcanla i suben jiñi muʼ bʌ a pʌsben estudio bajcheʼ miʼ mejlel i cʼʌn.