¿CHUCOCH ÑUC I CʼΛJÑIBAL? Mi mucʼʌch i chajpan i bʌ, mach wocolic mi caj i cʼajtesan yicʼot i chʼʌmben isujm muʼ bʌ laj cʌntesan. Mi caj i coltan jaʼel chaʼan miʼ colel majlel tiʼ chaʼan bʌ Dios. Chaʼan miʼ chʌcʌ qʼuel i bʌ anquese tsaʼix i chʼʌmʌjaʼ, yom miʼ bej chajpan i bʌ chaʼan jiñi tempa bʌ tac yicʼot jiñi subtʼan (Mt. 25:13). Jin chaʼan, cheʼ miʼ cʌn i chajpan i bʌ mi caj i coltan tiʼ pejtelel ora. Mach la cʌcʼ ti ñumel cabʌl ora i laʼ laj coltan chaʼan miʼ ñʌmʼan i chajpan i bʌ.

¿BAJCHEʼ YOM MIʼ MEJLEL?

• Ñaxan mele jatet (Ro. 2:21). Cheʼ bʌ maʼ chajpan a bʌ, ñaʼtan jiñi muʼ bʌ a wʌqʼuen estudio (km 11/15 i yopol 3). Pʌsben bajcheʼ tac tsaʼ sʌpʌ a jun.

• Suben chaʼan miʼ chajpan i bʌ. Cheʼ bʌ añix chaʼpʼejl uxpʼejl semana cajel a wʌqʼuen estudio, suben chaʼan i cʌntesʌntelʌch jaʼel cheʼ miʼ chajpan i bʌ yicʼot tsictesʌben chaʼan mi caj i coltan. Suben bajcheʼ miʼ mejlel i yʌqʼuen i yorajlel. An xsubtʼañob muʼ bʌ i yʌqʼueñob i jun jiñi woli bʌ i pʌsbeñob estudio chaʼan miʼ qʼuelob bajcheʼ miʼ chajpañob i bʌ. Suben chaʼan weñʌch cheʼ tsiʼ chajpa i bʌ.

• Cʌntesan bajcheʼ yom miʼ mel. An xsubtʼañob muʼ bʌ i cʼʌñob jiñi ñaxan tac bʌ estudio chaʼan miʼ cʌntesañob bajcheʼ yom miʼ chajpañob i bʌ.