29 chaʼan abril-5 chaʼan mayo
SALMOS 34, 35
Cʼay 10 yicʼot oración | Tʼan tac chaʼan i tejchibal (1 min.)
1. «Mi caj c chʌn sub i ñuclel c Yum»
(10 min.)
David tsiʼ yʌqʼue i ñuclel Jehová anquese tsiʼ ñusa tsʌts tac bʌ wocol (Sal. 34:1; w07-S 1/3 22 párr. 11).
David tsiʼ yʌqʼue i ñuclel Jehová ti chuqui tac tsiʼ mele, maʼañic tsiʼ bajñel sʌcla i ñuclel (Sal. 34:2-4; w07-S 1/3 22 párr. 13).
David tsiʼ pʼʌtʼesa yambʌyob cheʼ tsiʼ yʌqʼue i ñuclel Jehová (Sal. 34:5; w07-S 1/3 23 párr. 15).
Cheʼ bʌ Jehová tsiʼ colta David chaʼan Akís (cʌmbil bʌ jaʼel bajcheʼ Abimélec) maʼañic chuqui miʼ tumben, jiñi 400 i wiñicob Saúl mach bʌ tijicñayic añob yicʼot tsiʼ temeyob i bʌ yicʼot David (1S. 22:1, 2). Tajol David woliʼ ñaʼtan ili wiñicob cheʼ bʌ tiʼ tsʼijbu ili salmo (Sal. 34, encabezamiento).
CʼAJTIBEN A BɅ: «¿Bajcheʼ miʼ mejlel cʌqʼuen i ñuclel Jehová cheʼ bʌ an majqui mic pejcan ti jiñi yambʌ tempa bʌ?».
2. Laʼ lac sʌclan ñuc tac bʌ i cʼʌjñibal
(10 min.)
-
Sal. 34:7. ¿Chuqui woliʼ ñaʼtan David cheʼ bʌ tiʼ tsʼijbu ili versículo, i chuqui miʼ mejlel laj cʌn? (w22.01 6 párr. 12-13).
-
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?
3. I pejcʌntel jiñi Biblia
(4 min.) Sal. 34:1-22 (th cʌntesʌntel 5).
4. ¿Bajcheʼ miʼ mejlel a tech tʼan?
(2 min.) SUBTʼAN BAQUI JACH AÑONLA. Maʼ tech tʼan pero maʼañix maʼ mejlel a wʌl chaʼan bʌ jiñi Biblia (lmd lección 1 punto 4).
5. Mele revisita tac
(4 min.) SUBTʼAN BAQUI JACH AÑONLA. (lmd lección 2 punto 4).
6. Tsictesan ñopol bʌ a chaʼan
(5 min.) Demostración. ijwfq 59. Tema: ¿Bajcheʼ miʼ ñaʼtañob jiñi i testigojob Jehová mi an jumpʼejl qʼuiñijel yom bʌ miʼ melob? (th cʌntesʌntel 17).
Cʼay 59
7. Uxchajp bajcheʼ miʼ mejlel la cʌqʼuen i ñuclel Jehová ti tempa bʌ
(15 min.) Tsajin yicʼot yaʼ bʌ tempʌbilob.
Yaʼ ti tempa bʌ miʼ mejlel lac wen aqʼuen i ñuclel Jehová. Laʼ laj qʼuel uxchajp bajcheʼ miʼ mejlel lac mel.
Cheʼ mi lac chaʼlen tʼan: Cheʼ mi lac chaʼlen tʼan la quicʼot jiñi hermanojob, laʼ la cʌl chuqui wem bʌ tiʼ tojlel Jehová (Sal. 145:1, 7). ¿Am ba chuqui tsaʼ lac pejca o tsaʼ lac ñʌchʼta tsaʼ bʌ i wen coltayonla? ¿Am ba chuqui wem bʌ tsaʼ lac ñusa ti subtʼan? ¿Tsaʼ ba i ñuqʼuesa lac pusicʼal tsaʼ bʌ i yʌlʌ o i mele juntiquil hermano? ¿Am ba chuqui tsaʼ lac mulaj ti jiñi melbil tac bʌ i chaʼan Jehová? Pejtelel iliyi lac majtañʌch tilem bʌ ti Jehová (Snt 1:17). Mi seb mi laj cʼotel ti tempa bʌ mi caj lac tajben i yorajlel chaʼan mi la cʌl.
Ti laj comentario tac: Chaʼlen wersa a wʌcʼ a comentario ti jujumpʼejl tempa bʌ, anquese junyajl jach (Sal. 26:12). Maʼ mejlel a wʌqʼuen i jacʼbal jumpʼejl cʼajtiya, maʼ tsictesan yambʌ ñuc bʌ i cʼʌjñibal yaʼ ti párrafo, jumpʼejl texto, jiñi foto o dibujo, o maʼ wʌl bajcheʼ miʼ mejlel laj cʼʌn ti laj cuxtʌlel. Chajpan chaʼpʼejl uxpʼejl comentario come tajol an yambʌ muʼ bʌ caj i letsañob i cʼʌb jaʼel. Laʼ laj cʼajtesan chaʼan mi jiñi laj comentario mucʼ jach i jalʼan 30 segundo o mach i taja, jiñi yambʌ hermanojob mi caj i mejlel i yʌqʼueñob i majtan Jehová jaʼel (Heb 13:15).
Cheʼ mi lac chaʼlen cʼay: Laʼ laj cʼʌyin Jehová yicʼot lac tijicñʌyel (Sal. 147:1). Tajol maʼañic mi caj a wʌqʼuentel comentario, ñumento mi colem jiñi a congregación, pero miʼ mejlel a wʌqʼuen i ñuclel Jehová cheʼ maʼ chaʼlen cʼay. Anquese mach weñic mi lac chaʼlen cʼay mi la cubin, Jehová tijicña mi caj i yubin cheʼ miʼ qʼuel chaʼan woli lac chaʼlen wersa lac mel ti wen (2Co 8:12). Pero yomʌch maʼ ñop a chaʼlen cʼay ti a wotot.
Qʼuelela jiñi VIDEO Ujtem bʌ wajali yicʼot ili ora: Cʼay tac muʼ bʌ i ñuqʼuesan Jehová (parte 1). Cheʼ jiñi cʼajtin:
¿Bajcheʼ an i pʌsʌ jiñi organización cʼʌlʌl ti wajali chaʼan mi lac wen qʼuel ti ñuc cheʼ miʼ cʼʌyintel Jehová?
8. Cʌntesʌntel chaʼan i tʼan Dios ti congregación
(30 min.) bt capítulo 9 párr. 1-7, introducción chaʼan jiñi sección 3 yicʼot recuadro am bʌ ti página 70.
