Tiʼ pejtelel ora yom mi lac chaʼlen wersa chaʼan mi lac ticʼ jiñi la com bʌ come xmulilonla. Mi maʼañic mi lac ticʼ lac bʌ, miʼ mejlel lac sʌt Jehová bajcheʼ la camigo. An muʼ bʌ i ñumen acʼob ti ñuc cheʼ miʼ tajob i yotot, i bʌl i ñʌcʼ yicʼot i pislel i mach jiñic jiñi i cʼuxbiyajob ti Dios. An muʼ bʌ i ñusañob ti pʼis jiñi i mandar tac Dios chaʼan miʼ chaʼleñob tsʼiʼlel (Ro 1:26, 27). I an muʼ bʌ i jacʼob i mel mach bʌ weñic tiʼ caj yomob qʼuejlel ti wen (Éx. 23:2).

¿Bajcheʼ miʼ mejlel la ticʼ jiñi la com bʌ? Yom mi lac wen chaʼlen wersa tiʼ melol i chaʼan tac bʌ Dios (Mt 4:4). Cheʼ jaʼel, yom mi laj cʼajtiben Jehová chaʼan miʼ coltañonla lac ticʼ jiñi la com bʌ. ¿Chucoch? Come jiñʌch yujil bʌ chuqui jiñi ñumen wem bʌ chaʼañonla yicʼot bajcheʼ miʼ mejlel i yʌqʼueñonla chuqui la com (Sal. 145:16).

CHEʼ BɅ TSAʼIX LAʼ QʼUELE JIÑI VIDEO MACH A JISAN A CUXTɅLEL, JACʼɅ ILI CʼAJTIYA TAC:

• ¿Chucoch an muʼ bʌ i chaʼleñob cʼujtsijel?

• ¿Chuqui miʼ mejlel ti ujtel ti lac tojlel cheʼ mi lac chaʼlen cʼujts?

• ¿Chucoch mach weñic mi lac chaʼlen cʼujtsijel? (2Co 7:1).

• ¿Chuqui miʼ mejlel a mel chaʼan maʼañic maʼ chaʼlen cʼujts o chaʼan maʼ cʌy?