Cheʼ bʌ miʼ ñumen lʌcʼtiyel i jilibal ili pañimil, mi caj i ñumen cajel wocol, terrorismo yicʼot guerra tac (Ap 6:4). ¿Chuqui miʼ mejlel lac mel chaʼan chajpʌbilonla chaʼan mi laj cuch ili wocol tac?

• Chajpan a bʌ chaʼan xucʼul maʼ wajñel. Ñaʼtan principio tac yicʼot relato tac muʼ bʌ i mejlel i coltañet chaʼan maʼ ñumen ñop ti Jehová yicʼot tiʼ yorganización, yicʼot muʼ bʌ i coltañet chaʼan xucʼul maʼ wajñel (Pr. 12:5; jr-S 125, 126 párr. 23, 24). Taja wem bʌ a wamigojob yaʼ ti congregación ti ili ora (1Pe 4:7, 8).

• Chajpan chuqui tac i cʼʌjñibal a chaʼan. Tempan i bʌl a ñʌcʼ yicʼot wʌn ñaʼtan chuqui mi caj a mel mi mach yomic maʼ loqʼuel ti a wotot. Chajpan chuqui mi caj a mel mi yom maʼ loqʼuel ti a wotot. Qʼuele chuqui an yaʼ ti a mochila de emergencia i mach ñajʌyic a chaʼan a wotsan taqʼuin yicʼot jiñi mejl bʌ a cʼʌn a cʌntan a bʌ (cubreboca, guante o yan tac bʌ). Yom an a wicʼot i contacto jiñi ancianojob i yom añob yicʼot a chaʼan jaʼel (Is. 32:2; g17.5-S 3-7).

Mach a cʌy a mel jiñi i chaʼan tac bʌ Dios cheʼ bʌ an wocol. (Flp 1:10). Mach wen loqʼuiquet mi mach wen i cʼʌjñibalic (Mt 10:16). Tʼoxben yambʌlob jiñi am bʌ a chaʼan (Ro 12:13).

CHEʼ BɅ TSAʼIX LAʼ QʼUELE JIÑI VIDEO ¿CHAJPɅBILETɅCH BA CHAʼAN JUMPʼEJL WOCOL?, JACʼɅ ILI CʼAJTIYA TAC:

• ¿Bajcheʼ miʼ mejlel i coltañonla Jehová cheʼ bʌ miʼ waʼ ujtel jumpʼejl wocol?

• ¿Chuqui miʼ mejlel lac mel chaʼan chajpʌbilonla?

• ¿Bajcheʼ miʼ mejlel laj coltan yañoʼ bʌ?