Mi juntiquil xbiʼtal miʼ jacʼ lac tʼan ti jiñi otot, laʼ laj cʼajtiben baqui an i tat o i ñaʼ, cheʼ bajcheʼ jiñi, woli laj qʼuel ti ñuc jiñi tatʌlob (Pr. 6:20). Mi jiñi xbiʼtal miʼ subeñonla chaʼan mi la cochel, mach yomic mi lac jacʼ. Mi an chuqui woliʼ mel jiñi tatʌlob, ti wiʼil to miʼ mejlel lac julaʼtañob.

Anquese mach xbiʼtalix, yom mi laj cʼajtiben baqui an i tat o i ñaʼ. Mi woliyob ti troñel jiñi tatʌlob, laʼ laj cʼajtibeñob miʼ mejl i yajcan jumpʼejl jun jiñi i yalobil chaʼan miʼ pejcan. Mi tsaʼ i yʌlʌ chaʼan mucʼʌch, laʼ la cʌqʼuen jiñi jun tac i laʼ lac pʌsben jiñi página www.pr418.com/ctu.

Cheʼ bʌ mi lac chaʼ julaʼtan juntiquil xcolel, yom mi lac suben chaʼan la com laj cʌmbeñob i tat. Cheʼ bajcheʼ jiñi, mi caj lac tsictesʌben chucoch woli lac julaʼtañob yicʼot mi caj lac subeñob chaʼan ti Biblia miʼ chʼʌm tilel wem bʌ ticʼojel chaʼan jiñi familia tac (Sal. 119:86, 138). Mi mucʼʌch lac pʌs chaʼan mi laj qʼuel ti ñuc jiñi tatʌl yicʼot ñaʼʌl wen mi caj i qʼuejlel lac subtʼan i mi caj i mejlel lac suben jiñi wen tʼan tiʼ pejtelel jiñi familia (1 P. 2:12).