ÑUC TAC BΛ I CʼΛJÑIBAL TI BIBLIA | SALMO 119
Laʼ lac chaʼlen xʌmbal tiʼ mandar Jehová
Cheʼ mi lac chaʼlen xʌmbal tiʼ mandar Jehová yom i yʌl chaʼan mach xicʼbilonla mi lac jacʼben i tʼan. Jiñi Biblia miʼ taj ti tʼan i wiñicob Jehová tsaʼ bʌ i jacʼbeyob i tʼan yicʼot tsaʼ bʌ ajñiyob tiʼ tojlel, cheʼ bajcheʼ jiñi salmista.
Chaʼan mi lac taj isujm bʌ tijicñʌyel yom mi lac chaʼlen xʌmbal tiʼ mandar Dios
119:1-8
Josué tsiʼ ñopo Jehová ti tsʼʌcʌl. Tsiʼ ñaʼta chaʼan yom miʼ ñop Jehová tiʼ pejtelel i pusicʼal chaʼan tijicña miʼ yajñel yicʼot chaʼan wen miʼ loqʼuel ñaʼtʌbil bʌ i chaʼan.
I Tʼan Dios miʼ yʌqʼueñonla lac chʼejlel chaʼan mi lac lʌtʼ jiñi wocol tac
119:33-40
Jeremías tsiʼ pʌsʌ i chʼejlel i tsiʼ ñopo Jehová cheʼ bʌ an i wocol. Mach cabʌl i chubʌʼan tsaʼ chumle i tiʼ tsʼʌctesa tsaʼ bʌ subenti ti Jehová.
Jiñi wem bʌ ñaʼtʌbal am bʌ tiʼ Tʼan Dios miʼ coltañonla ti subtʼan
119:41-48
Pablo maʼañic majqui tsiʼ bʌcʼña cheʼ bʌ tsiʼ chaʼle subtʼan. Cheʼ bʌ tiʼ sube i tʼan Dios jiñi gobernador Félix, tsiʼ ñopo chaʼan Jehová mi caj i coltan.
¿Baqui yom mic ñumen pʌs c chʼejlel cheʼ bʌ mic chaʼlen subtʼan?
-
Ti escuela
-
Ti queʼtel
-
Tic familia
-
O ti yan tac bʌ
