¿CHUCOCH ÑUC I CʼΛJÑIBAL? Jiñi tempa bʌ miʼ coltañonla chaʼan mi laj cʼʌyin Jehová yicʼot chaʼan mi lac ñuqʼuesan ti jujumpʼejl semana (Sal. 149:1). Cheʼ jaʼel mi laj cʌn lac mel chuqui yom (Sal. 143:10). Jiñi yom bʌ i ñumen cʌn Dios yicʼot jiñi choncolobix bʌ ti estudio ñumen ora miʼ cʼʌjquel majlel cheʼ bʌ miʼ majlel ti tempa bʌ..

¿BAJCHEʼ YOM MIʼ MEJLEL?

• Mach jinto cheʼ choncolix ti estudio mi caj a pʌy majlel ti tempa bʌ, muqʼuix i mejlel a suben chaʼan miʼ majlel (Ap. 22:17).

• Tsictesʌben bajcheʼ miʼ mejlel lac tempa bʌ i suben chuqui mi caj i yʌjlel ti yambʌ tempa bʌ. Miʼ mejlel i coltañet jiñi jun chaʼan bʌ lac pʌyol ti tempa bʌ, jiñi video ¿Chuqui miʼ mejlel yaʼ ti i Yotlel Tempa bʌ? yicʼot jiñi folleto Yom bʌ Jehová ti ili ora yaʼ ti cʌntesʌntel 5 yicʼot 7.

• Suben chaʼan mi caj a coltan. Jumpʼejl ejemplo, ¿yom ba maʼ pʌy majlel ti carro o coltʌntel chaʼan miʼ yajcan i pislel? Buchlen a wicʼot yaʼ ti tempa bʌ i comol qʼuelela jiñi jun tac. Aqʼuen i cʌn yambʌ hermanojob yaʼ ti congregación.