Cabʌlob mach utsʼatic miʼ qʼuelob jiñi añoʼ bʌ i yeʼtel come ñumeñix ti pʼis chuqui miʼ melob, cojach miʼ sʌclañob i bajñel wenlel. Cheʼʌch ujtem cʼʌlʌl ti wajali (Mi. 7:3). Pero mach cheʼic miʼ yujtel tiʼ tejclum Dios. Jehová miʼ cʌntesan jiñi ancianojob chaʼan miʼ cʼʌñob i yeʼtel chaʼan miʼ coltañob jiñi congregación (Est. 10:3; Mt 20:​25, 26).

Jiñi ancianojob mach cheʼobic bajcheʼ jiñi añoʼ bʌ i yeʼtel ti ili pañimil, mucʼ jach bʌ i bajñel sʌclañob i wenlel. Miʼ cʼuxbiñob Jehová yicʼot jiñi hermanojob (Jn 21:16; 1Pe 5:​1-3). Miʼ jacʼbeñob i tʼan Jesús i miʼ coltañob jiñi hermanojob chaʼan tijicñayob ti congregación i chʌn lʌcʼʌl miʼ yajñelob ti Jehová. Chajpʌbilob chaʼan miʼ pʼʌtʼesañob jiñi cʼuxbibil bʌ i wiñicob Jehová. Cheʼ bʌ miʼ yujtel tsʌts bʌ wocol o an majqui miʼ cʼamʼan yaʼʌch añob chaʼan miʼ coltañob. Jin chaʼan, mi a wom coltʌntel, mach a putun ñaʼtan, pejcan juntiquil anciano ti a congregación (Snt 5:​13, 14).

CHEʼ BɅ TSAʼIX LAʼ QʼUELE JIÑI VIDEO ANCIANOJOB MUʼ BɅ I CɅNTAÑOB I TIÑɅMEʼ JEHOVÁ, JACʼɅLA ILI CʼAJTIYA TAC:

• ¿Bajcheʼ tsiʼ colta Mariana jiñi tsaʼ bʌ i meleyob jiñi ancianojob tiʼ tojlel?

  I jacʼbal

• ¿Bajcheʼ tsiʼ colta Elías jiñi tsaʼ bʌ i meleyob jiñi ancianojob tiʼ tojlel?

  I jacʼbal

• ¿Bajcheʼ yilal maʼ qʼuel jiñi eʼtel muʼ bʌ i melob jiñi ancianojob?

  I jacʼbal