7-13 chaʼan octubre
SALMOS 92-95
Cʼay 84 yicʼot oración | Tʼan tac chaʼan i tejchibal (1 min.)
1. ¡Muʼ bʌ i yʌqʼueñonla lac tijicñʌyel jiñʌch cheʼ mi lac melben i yeʼtel Jehová!
(10 min.)
Yomʌch mi lac chʼujutesan Jehová (Sal. 92:1, 4; w18.04 26 párr. 5).
Miʼ coltan i wiñicob chaʼan miʼ ñaʼtañob chuqui yom miʼ melob chaʼan tijicñayob (Sal. 92:5; w18.11 20 párr. 8).
Miʼ qʼuel ti ñuc i wiñicob anquese ñoxobix (Sal. 92:12-15; w20.01 19 párr. 18).
CʼAJTIBEN A BɅ: «¿Am ba chuqui miʼ mʌctañon chaʼan mi cʌcʼ c bʌ ti Jehová yicʼot mic chʼʌmjaʼ?».
2. Laʼ lac sʌclan ñuc tac bʌ i cʼʌjñibal
(10 min.)
-
Sal. 92:5, TNM. ¿Bajcheʼ miʼ pʌs ili versículo chaʼan Jehová maʼañic i pʼisol i ñaʼtʌbal? (cl 176 párr. 18).
-
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?
3. I pejcʌntel jiñi Biblia
(4 min.) Mt 27:38-54 (th cʌntesʌntel 5).
4. ¿Bajcheʼ miʼ mejlel a tech tʼan?
(4 min.) SUBTʼAN BAQUI JACH AÑONLA. Cheʼ bʌ woliyet ti tʼan a wicʼot juntiquil lac piʼʌl sʌclan bajcheʼ mi caj a tech a tsictesʌben chuqui mi lac mel ti subtʼan (lmd lección 5 punto 3).
5. Mele revisita tac
(3 min.) SUBTʼAN BAQUI JACH AÑONLA. Suben jumpʼejl estudio loqʼuem bʌ ti Biblia juntiquil lac piʼʌl mach bʌ yomic estudio ti ñaxan (lmd lección 8 punto 4).
6. Sutqʼuin ti xcʌntʼan yañoʼ bʌ
(5 min.) Chaʼlen tʼan a wicʼot juntiquil a estudiante maʼañic bʌ woliʼ chaʼlen wersa i jacʼ woli bʌ i cʌn majlel (lmd lección 12 punto 5).
Cʼay 5
7. Jiñi ansiedad miʼ ticʼlan jaʼel jiñi xcolelob
(15 min.) Tsajin yicʼot yaʼ bʌ tempʌbilob.
Ti lac pejtelel muʼ bʌ lac melben i yeʼtel Jehová miʼ mejlel lac taj ansiedad. Jumpʼejl ejemplo, David mach junsujtel jach tsiʼ wen pensari i bʌ, i cheʼʌch miʼ yujtel tiʼ tojlel cabʌl hermanojob ili ora (Sal. 13:2; 139:23). Pero cheʼ jaʼel wolʌch i wen ticʼlan jiñi xcolelob. Tajol tiʼ caj jiñi, wocolix miʼ yubiñob chaʼan miʼ majlelob ti escuela o ti tempa bʌ. Cheʼ jaʼel, an muʼ bʌ i wen ochelob i bʌqʼuen o muʼto i ñaʼtañob i tsʌnsañob i bʌ.
Xcolelob, mi wen muqʼuetla ti pensar, chaʼlenla tʼan laʼ wicʼot laʼ papá laʼ mamá o yicʼot juntiquil hermano añix bʌ i ñaʼtʌbal. I mach ñajʌyic a chaʼan a cʼajtiben i coltaya Jehová (Flp 4:6). Tiʼ pejtelel ora mi caj i yajñel yicʼotet (Sal. 94:17-19; Is. 41:10). Qʼuele tsaʼ bʌ ujti tiʼ tojlel Steing.
Qʼuelela jiñi VIDEO Jehová mucʼʌch i ñaʼtañon. Cheʼ jiñi cʼajtin:
• ¿Baqui bʌ texto tsiʼ colta Steing, i chucoch?
• ¿Bajcheʼ tsiʼ cʌnta Jehová?
Tatʌlob, coltan laʼ walobilob. Wen ñʌchʼtanla, subenla chaʼan mi laʼ wen cʼuxbiñob i coltanla i qʼuel chaʼan Jehová mucʼʌch i wen cʼuxbiñob (Tit 2:4; Snt 1:19). Cʼajtesanla chaʼan Jehová miʼ mejlel i yʌqʼueñetla laʼ pʼʌtʌlel yicʼot laʼ chʼejlel chaʼan mi laʼ coltan laʼ walobilob.
¿Am ba majqui woliʼ ñusan cheʼ bʌ wocol bajcheʼ ili yaʼ ti a congregación? Tajol añʌch i mach la cujilic. O tajol la cujil chaʼan añʌch majqui, pero wocol mi la cubin chaʼan mi lac chʼʌmben i sujm bajcheʼ miʼ yubin i bʌ. Pero añʌch chuqui miʼ mejlel lac mel: Laʼ lac pʌsbeñob chaʼan mucʼʌch laj cʼuxbiñob yicʼot chaʼan mi laj qʼuelob ti ñuc (Pr. 12:25; Heb 10:24).
8. Cʌntesʌntel chaʼan i tʼan Dios ti congregación
(30 min.) bt capítulo 16 párr. 6-9 yicʼot recuadro am bʌ ti página 132.
