«Dios [...] mi caj i sujcubeñob i yaʼlel i wut, maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel. Jiñi an tac bʌ ti ñaxan tsaʼix jili» (Apocalipsis 21:​3, 4, Traducción del Nuevo Mundo Mateo-Apocalipsis).

Mi caj laj qʼuelben i wut la queʼtel (Isaías 65:21-23).

Maʼañix mi caj lac ñusan wocol yicʼot maʼañix mi caj laj cʼamʼan (Isaías 25:8; 33:24).

Tijicña mi caj lac chumtʌl la quicʼot lac familia yicʼot la camigojob tiʼ pejtelel ora (Salmo 37:11, 29).

Añʌch, laʼ laj qʼuel chaʼchajp:

• Dios añʌch i pʼʌtʌlel chaʼan miʼ tsʼʌctesan ili i tʼan. Yaʼ ti Biblia, cojach jiñi Dios miʼ subentel bajcheʼ jiñi «Mach bʌ añic i pʼisol i pʼʌtʌlel» come cʌlʌxix i pʼʌtʌlel (Apocalipsis 15:3). Jin chaʼan, cheʼ bʌ miʼ yʌl chaʼan mi caj i sujtesan ti jumpʼejl utsʼatax bʌ chumlibʌl ili pañimil, miʼ mejlel lac ñop chaʼan mucʼʌch caj i tsʼʌctesan. Jiñi Biblia miʼ yʌl chaʼan «Dios miʼ laj mejlel i mel» (Mateo 19:26).

• Dios yomʌch i tsʼʌctesan i tʼan. Jumpʼejl ejemplo, jiñi Biblia miʼ yʌl chaʼan Jehová yom i chaʼ aqʼuen i cuxtʌlel jiñi tsaʼix bʌ chʌmiyob (Job 14:​14, 15).

  Cheʼ jaʼel, miʼ yʌl chaʼan Jesús, i Yalobil Dios, tiʼ tsʼʌca jiñi cʼamoʼ bʌ. ¿Chucoch? Come cheʼʌch tsiʼ mulaj i mel (Marcos 1:40, 41). Jiñi tsaʼ bʌ i mele tsiʼ pʌsʌ chaʼan jiñi i Tat yomʌch i coltan jiñi i cʼʌjñibaloʼ bʌ i chaʼan (Juan 5:19).

  Cheʼ bajcheʼ ili miʼ mejlel lac ñop chaʼan Jehová yicʼot Jesús yomob chaʼan tijicña mi lac chumtʌl ti talto bʌ qʼuin (Salmo 72:12-14; 145:16; 2 Pedro 3:9).