¿Chuquiyes jiñi Biblia chaʼañet?
¿Muʼ baʼ wʌl chaʼan jiñʌch . . .
-
... jumpʼejl libro muʼ bʌ i yʌl i ñaʼtʌbal wiñicob?
-
... jumpʼejl libro muʼ bʌ i yʌl cuento tac?
-
... i Tʼan Dios?
MUʼ BɅ I YɅL JINI BIBLIA
«Pejtelel jiñi Tsʼijbujel tilem ti Dios» (2 Timoteo 3:16, Traducción del Nuevo Mundo Mateo-Apocalipsis).
¿BAJCHEʼ MIʼ COLTAÑONLA ILIYI?
Mi caj lac tajben wem bʌ i jacʼbal jiñi ñuc tac bʌ cʼajtiya (Proverbios 2:1-5).
Mi caj lac taj wem bʌ ticʼojel tac chaʼan bajcheʼ yom mi lac chumtʌl (Salmo 119:105).
Mi caj lac taj i sujm bʌ pijtaya chaʼan jiñi talto bʌ qʼuin (Romanos 15:4).
¿AM BA CHUCOCH MI LAC ÑOP MUʼ BɅ I YɅL JIÑI BIBLIA?
Añʌch, laʼ laj qʼuel uxchajp:
-
Maʼañic baʼ ora miʼ jatsʼ i bʌ ti tʼan. Jiñi Biblia tiʼ tsʼijbu 40 wiñicob i tsaʼ jalʼa ti tsʼijbuntel mil 600 jab. Anquese mach tiʼ pejtelelobic tsiʼ cʌñʌyob i bʌ, jiñi Biblia maʼañic miʼ jatsʼ i bʌ ti tʼan yicʼot jumpʼejl jach i temajlel.
-
Jiñi tsaʼ bʌ i tsʼijbuyob maʼañic chuqui tsiʼ mucuyob. Jiñi yujiloʼ bʌ chaʼan historia maʼañic miʼ tsʼijbuñob chuqui mach bʌ weñic miʼ yujtel tiʼ tojlel i lumalob. Pero jiñi xtsʼijbaya bibliajob maʼañic tsiʼ mucuyob chuqui mach bʌ weñic tsiʼ meleyob yicʼot tsaʼ bʌ ujti tiʼ tojlel i lumalob (2 Crónicas 36:15, 16; Salmo 51:1-4).
-
Jiñi profecía tac miʼ laj tsʼʌctiyel. Jiñi Biblia tsiʼ wʌn alʌ chaʼan mi caj i jisʌntel jiñi tejclum Babilonia cheʼ bʌ anto yom 200 jab chaʼan miʼ tsʼʌctiyel (Isaías 13:17-22). Mach cojic jach tsaʼ wʌn ajli bajcheʼ mi caj i jisʌntel, tsaʼ wʌn ajli jaʼel chuqui i cʼabaʼ jiñi rey muʼ bʌ caj i jisan (Isaías 45:1-3).
An yan tac bʌ profecía am bʌ ti Biblia tsaʼʌch bʌ tsʼʌctiyi jaʼel. Cheʼ bajcheʼ tsaʼix laj cʌñʌ, ¿mach ba jiñic muʼ bʌ lac pijtan ti jiñi i Tʼan Dios? (2 Pedro 1:21).
CʼAJTIBEN A BɅ
¿Bajcheʼ miʼ mejlel i coltañon jini i Tʼan Dios?
Mi caj a tajben i jacʼbal ti ISAÍAS 48:17, 18 yicʼot 2 TIMOTEO 3:16, 17.
Miʼ mejlel a qʼuel jaʼel iliyi
ÑUC TAC BɅ CɅNTESɅNTEL AM BɅ TI BIBLIA
¿Bajcheʼ mi lac ñaʼtan chaʼan isujmʌch muʼ bʌ i yʌl jiñi Biblia?
Mi tilemʌch ti Dios jiñi Biblia, ili libro mach lajalic i wentʌlel bajcheʼ yambʌ libro tac.
CAMPAÑA ESPECIAL
¿Chucoch yom mi lac pejcan jiñi Biblia? (tsʼʌcʌl bʌ)
Jiñi Biblia woliʼ coltan cabʌl quixtañujob tiʼ petol pañimil chaʼan miʼ tajbeñob i jacʼbal jiñi cʼajtiya tac wen ñuc bʌ i cʼʌjñibal. ¿Muʼ ba a mulan a tajben i jacʼbal jaʼel?
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
