¿Majqui an tiʼ cʼʌb ili pañimil?
¿Muʼ baʼ wʌl chaʼan jiñʌch...
-
Dios?
-
jiñi quixtañujob?
-
juntiquil mach bʌ laj cʌñʌyic?
MUʼ BɅ I YɅL JINI BIBLIA
«Jiñi pañimil an tiʼ pʼʌtʌlel Satanás» (1 Juan 5:19, Traducción del Nuevo Mundo Mateo-Apocalipsis).
«Jin chaʼan tsajñi jiñi i Yalobil Dios, chaʼan miʼ jisʌben i yeʼtel jiñi Diablo» (1 Juan 3:8, Traducción del Nuevo Mundo Mateo-Apocalipsis).
¿BAJCHEʼ MIʼ COLTAÑONLA ILIYI?
Mi caj laj cʌn baqui tilem jiñi wocol tac (Apocalipsis 12:12).
Mi caj i coltañonla lac ñop chaʼan mi caj i tilel jumpʼejl tsijiʼ bʌ pañimil (1 Juan 2:17).
¿AM BA CHUCOCH MI LAC ÑOP MUʼ BɅ I YɅL JIÑI BIBLIA?
Añʌch, laʼ laj qʼuel uxchajp:
-
Jiñi i yumʌntel Satanás lʌcʼʌlix mi caj i jisʌntel. Jehová mi caj i jisan Satanás chaʼan mach jiñix miʼ yuman jiñi quixtañujob. Tsiʼ yʌcʼʌ i tʼan chaʼan mi caj «i jisan [...] jiñi Diablo» yicʼot pejtelel chuqui am bʌ i mele (Hebreos 2:14).
-
Jesucristo jiñʌch jiñi yumʌl tsaʼ bʌ i yajca Dios. Jesús mach lajalic bajcheʼ jiñi jontol bʌ yumʌl am bʌ tiʼ wenta ili pañimil yicʼot i bajñel jach bʌ miʼ ñaʼtan i bʌ. Dios miʼ yʌl tiʼ tojlel jiñi i yumʌntel Cristo: «Miʼ pʼuntan jini cʼun bʌ yicʼot jini pʼumpʼun bʌ. [...] Mi caj i mʌn jini ticʼlʌbiloʼ bʌ yicʼot jini chuculoʼ bʌ ti jontolil chaʼan miʼ yʌcʼob ti colel» (Salmo 72:13, 14).
-
Dios maʼañic miʼ chaʼlen lot. Jiñi Biblia jamʌ tsiquil miʼ yʌl chaʼan «Dios mach mejlic ti lot» (Hebreos 6:18). Jin chaʼan, cheʼ bʌ Jehová miʼ yʌcʼ i tʼan la cujil chaʼan mucʼʌch caj i tsʼʌctesan (Isaías 55:10, 11). Tsaʼix i yʌcʼʌ i tʼan chaʼan «jiñi yumʌl chaʼan ili pañimil mi caj i chojquel loqʼuel» (Juan 12:31).
CʼAJTIBEN A BɅ
¿Bajcheʼ yilal miʼ cajel jiñi pañimil cheʼ bʌ maʼañix tiʼ cʼʌb Satanás?
Mi caj a tajben i jacʼbal ti SALMO 37:10, 11 yicʼot APOCALIPSIS 21:3, 4.
Miʼ mejlel a qʼuel jaʼel iliyi
ÑUC TAC BɅ CɅNTESɅNTEL AM BɅ TI BIBLIA
¿Chucoch Dios woliʼ yʌcʼ ti ujtel jiñi wocol?
Yonlel lac piʼʌlob miʼ cʼajtibeñob i bʌ chucoch an cabʌl tsʼaʼleya yicʼot wocol. Jiñi Biblia miʼ tsictesan chucoch i miʼ ñuqʼuesan lac pusicʼal.
CʼAJTIYA TAC CHAʼAN BɅ BIBLIA
¿Am ba jiñi Diablo?
¿Añʌch ba jiñi Diablo o jin jach yom i yʌl jiñi jontolil am bʌ ti lac tojlel?
CHAʼAN JOÑON LOJON
¿Chucoch yom mi lac pejcan jiñi Biblia? (tsʼʌcʌl bʌ)
Jiñi Biblia woliʼ coltan cabʌl quixtañujob tiʼ petol pañimil chaʼan miʼ tajbeñob i jacʼbal jiñi cʼajtiya tac wen ñuc bʌ i cʼʌjñibal. ¿Muʼ ba a mulan a tajben i jacʼbal jaʼel?
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
