¿Muʼ ba caj i chaʼ tejchelob chʼojyel jiñi chʌmeñoʼ bʌ?
¿Muʼ baʼ wʌl chaʼan...
-
mucʼʌch?
-
maʼañic?
-
tajol mucʼʌch?
MUʼ BɅ I YɅL JIÑI BIBLIA
«Mi caj i chaʼ chʼojyelob» (Hechos 24:15, Traducción del Nuevo Mundo Mateo-Apocalipsis).
¿BAJCHEʼ MIʼ COLTAÑONLA ILIYI?
Mi lac taj laj coltʌntel cheʼ an majqui miʼ chʌmel lac chaʼan (2 Corintios 1:3, 4).
Maʼañix mi lac chʌn bʌcʼñan chʌmel (Hebreos 2:15).
Miʼ yʌqʼueñonla lac pijtaya chaʼan mi caj lac chaʼ qʼuel jiñi chʌmeñoʼ bʌ lac chaʼan (Juan 5:28, 29).
¿AM BA CHUCOCH MI LAC ÑOP MUʼ BɅ I YɅL JIÑI BIBLIA?
Añʌch, laʼ laj qʼuel uxchajp:
-
Dios jiñʌch tsaʼ bʌ i yʌcʼʌ jiñi cuxtʌlel. Jiñi Biblia miʼ yʌl: «Yaʼan cuxul bʌ jaʼ a wicʼot, i yejtalʌch j cuxtilel lojon» (Salmo 36:9; Hechos 17:24, 25). Mi Jehová tsaʼ mejli i mel pejtelel jiñi cuxul tac bʌ, añʌch i pʼʌtʌlel jaʼel chaʼan miʼ chaʼ chʼojyesan jiñi chʌmeñoʼ bʌ.
-
Dios tsaʼix i chʼojyesa lac piʼʌlob ti wajali. Jiñi Biblia miʼ taj ti tʼan 8 lac piʼʌlob tsaʼ bʌ chaʼ chʼojyesʌntiyob i tsaʼ chaʼ chumleyob ila ti Lum, yaʼ ochem wiñicob yicʼot xʼixicob mach bʌ junlajalobic i jabilel. An ujtel jaxto bʌ i chʌmelob, pero an juntiquil wiñic añix bʌ chʌmpʼejl qʼuin chʌmen (Juan 11:39-44).
-
Dios yom i chaʼ chʼojyesan jiñi chʌmeñoʼ bʌ. Jehová miʼ tsʼaʼlen jiñi chʌmel come miʼ qʼuel bajcheʼ i contra (1 Corintios 15:26). Wen yomix i jisan ili i contra, i mi caj i mel iliyi cheʼ bʌ miʼ chaʼ chʼojyesan jiñi chʌmeñoʼ bʌ. Bʌcʼ yomix i chaʼ chʼojyesan jiñi añoʼ bʌ tiʼ ñaʼtʌbal yicʼot i qʼuelob ti jiñi tsijiʼ bʌ Pañimil (Job 14:14, 15).
CʼAJTIBEN A BɅ
¿Chucoch mi lac ñoxʼan i mi lac chʌmel
Mi caj a tajben i jacʼbal ti GÉNESIS 3:17-19 yicʼot ROMANOS 5:12.
Miʼ mejlel a qʼuel jaʼel iliyi
ÑUC TAC BɅ CɅNTESɅNTEL AM BɅ TI BIBLIA
¿Chuqui mi lac chaʼlen cheʼ mi lac chʌmel?
Jiñi Biblia miʼ taj ti tʼan chaʼan cabʌl lac piʼʌlob mi caj i chaʼ tejchel, cheʼ bajcheʼ tsaʼ tejchesʌnti Lázaro.
CʼAJTIYA TAC CHAʼAN BɅ BIBLIA
¿Chuqui miʼ yʌl jiñi Biblia chaʼan jiñi chaʼ chʼojyel?
Tajol miʼ toj sajtel a pusicʼal cheʼ maʼ wubin majqui mi caj i chaʼ chʼojyesʌntelob.
LAC TSICTESΛBENTEL
¿Chucoch miʼ mejlel lac ñop chaʼan jiñi chaʼ chʼojyel?
Yaʼ ti Biblia mi lac taj chaʼpʼejl i sujmlel chucoch miʼ mejlel lac ñop jiñi chaʼ chʼojyel.
CHAʼAN JOÑON LOJON
¿Chucoch yom mi lac pejcan jiñi Biblia? (tsʼʌcʌl bʌ)
Jiñi Biblia woliʼ coltan cabʌl quixtañujob tiʼ petol pañimil chaʼan miʼ tajbeñob i jacʼbal jiñi cʼajtiya tac wen ñuc bʌ i cʼʌjñibal. ¿Muʼ ba a mulan a tajben i jacʼbal jaʼel?
