Jumpʼejl libro yom bʌ mi lac pejcan
Maʼanic yambʌ libro pujquem bʌ bajcheʼ jini Biblia. ¿Am ba pejcʌbil a chaʼan ili cojach bʌ libro? Cʼʌlʌl ti wajali, tiʼ chajp tiʼ chajp bʌ winicob xʼixicob baʼ chʼoyolob an tajbiloʼ bʌ i chaʼan i ñʌchʼtilel yicʼot i pijtayajob chaʼan i tʼan yicʼot coltʌbilob i chaʼan i ticʼojel. Cheʼ jaʼel, an cabʌlob maxto bʌ anic pejcʌbilob i chaʼan, lamitalob —xñoptʼañoʼ bʌ o mach bʌ xñoptʼañobic— miʼ mulan i ñumen cʌñob. Mi cheʼ maʼ ñaʼtan jini, ili folleto mi caj i coltañet bajcheʼ yom maʼ tech.
YOM maʼ ñaxan cʌn chuqui mi chʼʌm tilel jini Biblia. Jini Biblia, cʌmbil jaʼel bajcheʼ Chʼujul bʌ i Tsʼijbujel Dios, melbil ti 66 libro tac. Jini ñaxam bʌ jiñʌch Génesis, jini cojix bʌ jiñʌch Revelación, o Apocalipsis.
¿Majqui tsiʼ yʌcʼʌ ti melol jini Biblia? Wem bʌ cʼajtiya. Tsaʼ jalʼa ti tsʼijbuntel mil seiscientos jab, chaʼcʼal (40) winicob tsaʼ bʌ i tsʼijbayob 66 libro tac. Jini chaʼan, mi juntiquilic xtsʼijbujelob tsaʼ yʌlʌ chaʼan i yʌcʼbal ti melol. Cheʼ jaʼel, an juntiquil tsaʼ bʌ i yʌlʌ: «Chʼoyol ti Dios pejtelel i tsʼijbujel» (2 Timoteo 3:16). Yicʼot yambʌ tsaʼ yʌlʌ: «Come cʼʌlʌl tiʼ cajibal maʼanic tsiʼ bajñel chaʼleyob tʼan winicob tiʼ bajñel pusicʼal, pero jini chʼujul bʌ winicob ñijcʌbiloʼ bʌ i chaʼan Chʼujul bʌ espíritu tsiʼ chaʼ subuyob chuqui tsiʼ yubiyob ti Dios» (2 Pedro 1:21). Mi laj cʌn, jini xtsʼijbujelob chaʼan Biblia tsiʼ yʌcʼʌyob ti cʌjñel Jehová Dios, jini Cʼax Ñuc bʌ ti pejtelel pañimil, jini tsaʼ bʌ i Yʌcʼʌ ti Melol Chʼujul bʌ i Tsʼijbujel. Tsiʼ yʌqʼueyonla i Tʼan chaʼan mi laj cʌn.
Yicʼot jaʼel an i cʼʌjñibal chaʼan mi laj cʌn baqui bʌ i temajlel jini Biblia: Dios mi caj i waʼchocon i yumʌntel ti panchan chaʼan miʼ cʌjñel yicʼot mi qʼuejlel ti ñuc chaʼan cojach jini am bʌ tiʼ wenta miʼ chaʼlen yumʌntel tiʼ tojlel winicob xʼixicob. Ti yambʌ página tac mi caʼ cʌn chaʼan jiñʌch i temajlel jini Biblia, tejchem ti Génesis cʼʌlʌl ti Apocalipsis.
Yom cʼajal a chaʼan iliyi, cheʼ woli to a tech a chʼʌmben isujm chuqui mi yʌl jini libro mach bʌ anic yambʌ cheʼ bajcheʼ tsʼijbubil jini Biblia.
^ parr. 9 An cabʌl bajcheʼ ti alol jini tsic chaʼan jabil. Ti ili folleto mi caj laj cʼʌn jini tʼan cheʼ maxto anic jini jabil 1 (m.a.j. 1), yicʼot cheʼ anix jabil 1 (a.j. 1). Tiʼ yujtibal tac ili página mi caj a qʼuel bajcheʼ comʼesʌbil tac ili tʼan.
Miʼ mejlel a qʼuel jaʼel iliyi
CHAʼAN JOÑON LOJON
¿Chucoch yom mi lac pejcan jiñi Biblia? (tsʼʌcʌl bʌ)
Jiñi Biblia woliʼ coltan cabʌl quixtañujob tiʼ petol pañimil chaʼan miʼ tajbeñob i jacʼbal jiñi cʼajtiya tac wen ñuc bʌ i cʼʌjñibal. ¿Muʼ ba a mulan a tajben i jacʼbal jaʼel?
