Yom chaʼan mi lac chumtʌl ti ñʌchʼʌl yicʼot ti tijicña ti pejtelel ora ti jumpʼejl paraíso wʌʼ ti Pañimil.

Tajol maʼ cʼajtiben a bʌ, ¿bajcheʼ mi cajel ti mejlel iliyi? Jini Biblia miʼ yʌl chaʼan jini i Yumʌntel Dios mucʼʌch caj i mel iliyi, jin chaʼan Dios yom chaʼan tiʼ pejtelel winicob xʼixicob miʼ cʌñob jini yumʌntel yicʼot chuqui mi caj i mel ti talto bʌ qʼuin (Salmo 37:11, 29; Isaías 9:7).

Yom chaʼan mi lac taj lac wenlel.

Cheʼ bajcheʼ juntiquil tatʌl yom chuqui wem bʌ tiʼ tojlel i yalobil, cheʼ jaʼel jini lac tat am bʌ ti panchan yom chaʼan tijicñayonla ti pejtelel ora (Isaías 48:17, 18). Tsiʼ yʌcʼʌ i tʼan chaʼan «miʼ yajñel ti pejtelel ora jini muʼ bʌ i chaʼlen cheʼ bajcheʼ yom Dios» (1 Juan 2:17).

Yom chaʼan maʼ chaʼlen xʌmbal tiʼ bijlel.

Jini Biblia mi yʌl chaʼan jini tsaʼ bʌ i meleyonla yom i «pʌsbeñonla toj bʌ i bijlel» chaʼan mi lac «tsajcan majlel» (Isaías 2:2, 3). Tsiʼ tempa «winicob xʼixicob chaʼan miʼ tsictesan i ñuclel i cʼabaʼ» tiʼ pejtelel Pañimil (Hechos 15:14).

Yom chaʼan temel mi lac chʼujutesan.

Jini muʼ bʌ i chʼujutesañob Jehová, maʼanic miʼ tʼoxob i bʌ, temel miʼ yajñelob come miʼ cʼuxbiñob i bʌ tiʼ sujmlel (Juan 13:35). ¿Majqui woliʼ cʌntesan winicob xʼixicob tiʼ pejtelel Pañimil, chaʼan bajcheʼ yom mi lac melben i yeʼtel Dios ti temel? Mic poj subeñet lojon chaʼan maʼ sajcʌben i jacʼbal ili cʼajtiya ti ili folleto.