Mach jalix mi caj i tilel jumpʼejl yumʌntel muʼ bʌ caj i yuman ili Pañimil. ¿A wom baʼ ñaʼtan baqui bʌ jiñi?... Jiñʌch i Yumʌntel Dios. Tiʼ petol ili Pañimil mi caj i sujtesan ti jumpʼejl paraíso, ti cʼoʼtajax bʌ chumlibʌl. ¿A wom baʼ ñumen cʌn chaʼan jiñi Yumʌntel?...

Ti jumpʼejl yumʌntel miʼ waʼchocontel juntiquil rey chaʼan miʼ chaʼlen yumʌl. Jiñi i Yumʌntel Dios an juntiquil i rey jaʼel. ¿Majqui maʼ wʌl?... ¡Jiñʌch Jesús! Yaʼʌch chumul ti panchan i mach jalix mi caj i tech i yuman tiʼ pejtelel wiñicob xʼixicob (quixtañujob). Pero ¿wen ba bʌ rey jiñi Jesús? ¿Muʼ ba cac taj lac tijicñʌyel cheʼ mi cajel i yuman ili Pañimil?...

¡Mucʼʌch! Cheʼ bʌ ili Pañimil jumpʼejlix paraíso, maʼañix miʼ cajel guerra. ¡Maʼañix majqui miʼ chʌn cajel ti jatsʼ! Maʼañix majqui miʼ cajel ti cʼamʼan yicʼot ti chʌmel. Mi caj i chaʼ jajmel i wut jiñi xpotsʼob yicʼot mi caj i jajmel i chiquin jiñi xcojcob. Jiñi mach bʌ weñobic i yoc miʼ cajelob ti ajñel yicʼot ti tijpʼel. Tiʼ pejtelel mi caj i tajob wem bʌ bʌlñʌcʼʌl. Mach chʌn jontolix mi cajel jiñi añimal tac, muqʼuix caj lac mejlel ti alas la quicʼotob. Anto yambʌ: Cabʌl chʌmeñoʼ bʌ mi caj i chaʼ chʼojyelob. Ili yom yʌl chaʼan Rebeca, Rahab,  David, Elías yicʼot yambʌlob mi caj i chaʼ cuxtʌyelob. ¿Muʼ baʼ mulan a cʌñob?...

Jehová miʼ wen cʼuxbiñet yicʼot yom chaʼan tijicñayet ma wajñel. Ñumen cʌñʌ Jehová yicʼot jacʼben i tʼan. Mi mucʼʌch a mel, mi caj a chumtʌl ti jumpʼejl paraíso tiʼ pejtelel ora. ¿A wom ba chumtʌl ti jiñi Paraíso?...