Jesús tsajñi ti Pañimil chaʼan miʼ yʌcʼ i cuxtʌlel tiʼ tojlel xmulilob. Anquese tsaʼ chʌmi, tsiʼ mʌlbe ili pañimil. Cʼʌlʌl cheʼ tsaʼ chʌmi Jesús, tsiʼ chaʼle coltaya yicʼot i pecʼlel, i tsiʼ ñusʌbeyob i mul jiñi tsaʼ bʌ i meleyob mach bʌ weñic. Jehová xucʼul tsaʼ ajñi tiʼ tojlel i Yalobil i tsiʼ chaʼ aqʼue i cuxtʌlel. Cheʼ bʌ tsaʼ chaʼ chʼojyi, tsiʼ pʌsbe i bʌ jiñi xcʌntʼañob yicʼot tsiʼ cʌntesayob bajcheʼ mi caj i melob jiñi eʼtel tsaʼ bʌ aqʼuentiyob. Mi an a walobilob, coltañob chaʼan miʼ qʼuelob ti ñuc jiñi eʼtel muʼ bʌ lac mel.