CΛNTESΛNTEL 8
Abraham yicʼot Sara miʼ jacʼbeñob i tʼan Dios
An yambʌ tejclum yaʼ tiʼ tʼejl jiñi Babel, i cʼabaʼ jiñʌch Ur. Yaʼi maʼañic miʼ chʼujutesʌntel Jehová, cojach yambʌ dios tac. Pero an juntiquil wiñic yaʼ ti Ur tsaʼ bʌ i chʼujutesa Jehová, i cʼabaʼ Abraham.
Jehová tiʼ sube Abraham: «Cʌyʌ a wotot yicʼot a piʼʌlob. Cucu ti jiñi lum muʼ bʌ caj c pʌsbeñet». Dios tsiʼ yʌqʼue i tʼan: «Mi caj cʌqʼueñet a pʼolbal ti ñuc bʌ lum. Mi caj i tajob i wenlel wiñicob xʼixicob tiʼ pejtelel pañimil chaʼañet».
Abraham mach yujil baqui yom i choc majlel Jehová, pero tsiʼ ñopbe i tʼan. Abraham, Sara, Taré yicʼot Lot tsiʼ chʼujbibeyob i tʼan Dios. Tsiʼ chajpayob i bʌ i tsaʼ cajiyob ti xʌmbal.
Abraham an 75 i jabilel cheʼ bʌ tsaʼ cʼoti yicʼot i familia yaʼ ti lum baqui tiʼ sube Jehová. I cʼabaʼ jiñi lum jiñʌch Canaán. Yaʼi, Jehová tsiʼ yʌqʼue i tʼan: «Tiʼ pejtelel ili lum muʼ bʌ a qʼuel, mi caj cʌqʼuen a walobilob». Pero Abraham yicʼot Sara añobix i jabilel i maʼañobic i yalobil. Cheʼ jiñi, ¿bajcheʼ mi caj i tsʼʌctesan i tʼan Jehová?
«Abraham tsiʼ ñopo Dios. [...] Tsiʼ jacʼʌ i pʌyol. Tsaʼ majli i taj i lum tsaʼ bʌ subenti mi caj i yʌqʼuentel. Tsaʼ loqʼui anquese mach ñaʼtʌbilic i chaʼan baqui woliʼ majlel» (Hebreos 11:8).
Miʼ mejlel a qʼuel jaʼel iliyi
JINI BIBLIA YICʼOT I TʼAN
Dios tsiʼ mele jumpʼejl trato yicʼot Abraham
¿Chucoch tsaʼ majli Abraham yaʼ ti Canaán? ¿Chuqui bʌ trato tsiʼ mele Dios yicʼot Abraham?
