Ti ili sección mi caj laj cʌn chaʼan xbiʼtalob, xʼaltʼañob yicʼot reyob tsaʼ bʌ i pʌsʌyob i ñopoñel ti Jehová. Ti Siria, juntiquil alʌ chʼoc chʼoyol bʌ ti Israel tsiʼ ñopo chaʼan jiñi xʼaltʼan i chaʼan Jehová mi caj i tsʼʌcan Naamán. Jiñi xʼaltʼan Eliseo tsiʼ ñopo ti Jehová chaʼan mi caj i cʌntan tiʼ contrajob. Jiñi ñuc bʌ motomaj Joiada colelix i yʌcʼ i bʌ ti chʌmel chaʼan tsiʼ colta Joás tiʼ cʼʌb jiñi jontol bʌ Atalía. Jiñi rey Ezequías tsiʼ ñopo ti Jehová chaʼan mi caj i coltan Jerusalén i maʼañic tsaʼ lujbʼa tiʼ tojlel jiñi asiriojob. Jiñi rey Josías tsiʼ jisa i chʼujutesʌntel diosteʼ yaʼ tiʼ país, tsiʼ tojʼesa jiñi templo i tsiʼ colta quixtañujob chaʼan miʼ chaʼ chʼujutesañob Jehová.