CɅNTESɅNTEL 12
¿Chuqui yom mi lac mel chaʼan jini lac familia miʼ yajñelob yicʼot i tijicñʌyel?
Jini cʼuxbiya jiñʌch ñaxan bʌ miʼ caj i yajñel ti jumpʼejl xchumtʌl ti otot (Efesios 5:33)
Dios miʼ yʌl chaʼan cojach juntiquil winic yicʼot juntiquil xʼixic miʼ chaʼlen ñujpuñel.
Jini winic mach bʌ jontolic miʼ pejcan yicʼot cʼuxbiya i yijñam yicʼot yujil bajcheʼ yubil mi yubin i yijñam.
Jini xʼixic yom miʼ coltan i ñoxiʼal cheʼ an chuqui woliʼ ñaʼtan i mel.
Jini chʼitoñob yom miʼ jacʼbeñob i tʼan i tat i ñaʼ.
Yom utset yicʼot xucʼulet, mach yomic cʼax jontolet i mach yomic maʼ jem a tʼan (Colosences 3:5, 8-10)
Jini i Tʼan Dios miʼ yʌl chaʼan jini winic yom miʼ cʼuxbin i yijñam cheʼ bajcheʼ miʼ cʼuxbin i bʌ, cheʼ jaʼel jini xʼixic yom miʼ qʼuel ti ñuc i ñoxiʼal.
Juntiquil winic mach wenic cheʼ miʼ piʼlen juntiquil xʼixic mach bʌ i yijñamic, cheʼ jaʼel jini xʼixic mach yomic miʼ piʼlen juntiquil winic mach bʌ i ñoxiʼalic. Dios miʼ subeñob chaʼan chʌn xucʼul yom mi yajñelob tiʼ ñujpuñel.
Jini Biblia mi yʌl chuqui yom miʼ melob ti jumpʼejl familia chaʼan mi yajñelob ti tijicñʌyel.
Miʼ mejlel a qʼuel jaʼel iliyi
LIBRO YICʼOT FOLLETO TAC
¿Chuqui yom mi lac mel chaʼan tijicña lac familia?
An muʼ bʌ i ñaʼtañob chaʼan jiñi taqʼuin jiñʌch muʼ bʌ caj i yʌqʼueñob i tijicñʌyel tiʼ familia, pero ¿jiñʌch ba ñuc bʌ i cʼʌjñibal jiñi?
