Ejemplo tac muʼ bʌ i coltañonla:

• Lu 18:9-14. Jesús tsiʼ cʼʌñʌ jumpʼejl lajiya chaʼan miʼ pʌsbeñonla chucoch ñucʌch i cʼʌjñibal mi lac sub lac mul yicʼot mi laj cʼajtiben i coltaya Dios.

• Ro 7:15-25. Anquese Pablo juntiquilʌch apóstol yicʼot miʼ wen ñop Dios, mach tijicñayic tsiʼ yubi come wersa muqʼuixto i tilel mach tac bʌ weñic tiʼ pusicʼal.

Ejemplo tac muʼ bʌ i coltañonla:

• Lu 15:1-10. Jesús tsiʼ cʼʌñʌ ejemplo tac chaʼan miʼ pʌs chaʼan Jehová yicʼot jiñi ángelob tijicña miʼ yubiñob cheʼ bʌ miʼ chaʼ ñaʼtan i bʌ juntiquil tsaʼ bʌ i chaʼle mulil.

• Lu 19:1-10. Zaqueo, juntiquil i yum xchʼʌm tojoñelob muʼ bʌ i mulan i ticʼlan lac piʼʌlob, tsiʼ chaʼ ñaʼta i bʌ yicʼot tsiʼ qʼuexta i melbal. Cheʼ bajcheʼ jiñi, tsaʼ ñusʌbenti i mul i tsiʼ taja i coltʌntel.

Ejemplo tac muʼ bʌ i coltañonla:

• Hch 17:29-31. Jiñi apóstol Pablo tiʼ sube jiñi añoʼ bʌ ti Atenas chaʼan woliʼ chʼujutesañob melbil tac jach bʌ dios come maxto i cʌñʌyobic i sujmlel, i tiʼ subeyob chaʼan miʼ chaʼ ñaʼtañob i bʌ.

• 1Ti 1:12-15. Jiñi apóstol Pablo tsiʼ yʌlʌ chaʼan tsiʼ wen mele mach tac bʌ weñic cheʼ bʌ maxto i cʌñʌyic Jesús.

 Ejemplo tac muʼ bʌ i coltañonla:

• 2 Cr. 33:1-6, 10-16. Anquese jiñi rey Manasés tsiʼ wen mele mach tac bʌ weñic, tsiʼ pʌsʌ i pecʼlel, tsiʼ chʌn chaʼle oración yicʼot tsiʼ qʼuexta i bʌ, cheʼ bajcheʼ jiñi tsiʼ pʌsʌ chaʼan tiʼ sujmʌch tsiʼ chaʼ ñaʼta i bʌ.

• Sal. 32:1-6; 51:1-4, 17. Jiñi rey David tsiʼ pʌsʌ chaʼan tsaʼʌch i chaʼ ñaʼta i bʌ come tiʼ subu i mul, tsiʼ cʼajtibe Jehová chaʼan miʼ ñusʌben yicʼot tsiʼ pʌsʌ chaʼan cʼux tsiʼ yubi cheʼ tsiʼ chaʼle mulil tiʼ tojlel Jehová.