Ejemplo tac muʼ bʌ i coltañonla:

• Jue. 7:1-7. Jehová tiʼ sube Gedeón chaʼan 300 jach i wiñicob miʼ pʌy majlel ti guerra come Jehová mi caj i coltañob i mʌl.

• 2 S. 6:6, 7. Uzá tsiʼ pʌsʌ chaʼan miʼ chañʼesan i bʌ cheʼ bʌ tsiʼ chucu jiñi Arca chaʼan bʌ trato chaʼan maʼañic miʼ yajlel. Jehová tiʼ tsʌnsa tiʼ caj i ñusatʼan yicʼot chaʼan maʼañic tsiʼ qʼuele ti ñuc.

• 2 R. 18:28-35. Jiñi rey Senaquerib chaʼan Asiria tsiʼ choco majlel i wiñicob ti Jerusalén chaʼan miʼ yʌl chaʼan Jehová maʼañic mi caj i mejlel i coltañob loqʼuel tiʼ cʼʌb jiñi asiriojob.

• 2 Cr. 26:16-21. Jiñi rey Uzías tsaʼ aqʼuenti i toj i mul tiʼ caj tsiʼ chañʼesa i bʌ i tsiʼ mele mach bʌ yomic miʼ mel.

• Est. 5:9-14; 7:9, 10. Come Hamán wen ñuc miʼ qʼuel i bʌ, tsaʼ wen michʼa cheʼ bʌ Mardoqueo maʼañic miʼ lij chocon i bʌ i tiʼ tojlel. Ti wiʼil, Hamán tsaʼ tsʌnsʌnti come maʼañic tsiʼ qʼuexta i melbal.

• Ez. 28:11-15, 17, 19. Jiñi rey chaʼan Tiro tsaʼ caji i wen qʼuel i bʌ ti ñuc tiʼ caj cabʌl chuqui an i chaʼan yicʼot wen pʼʌtʌl, i ti wiʼil tsaʼ jisʌnti.