Chʌmel
¿Chuqui ti ejemplo miʼ pʌsbeñonla chaʼan i tilelʌch chʼijyem mi la cubin cheʼ bʌ an majqui miʼ chʌmel lac chaʼan?
Gn. 23:2; 24:67; 37:34, 35; 42:36; Jn 11:19, 31, 33-36
Qʼuele jaʼel 2 S. 1:17-27; Hch 9:36-39.
¿Bajcheʼ la cujil chaʼan Jehová yomʌch i ñuqʼuesʌben i pusicʼal jiñi am bʌ majqui tsaʼ chʌmi i chaʼan?
Sal. 34:18; Is. 57:15; 61:1, 2
¿Bajcheʼ miʼ coltañonla cheʼ la cujil chuqui miʼ yujtel tiʼ tojlel jiñi chʌmeñoʼ bʌ?
Ec. 9:5, 10; 1Te 4:13
-
Ejemplo tac muʼ bʌ i coltañonla:
-
Lu 20:37, 38. Jesús tsiʼ yʌlʌ chaʼan i sujmʌch mi caj i chaʼ chʼojyelob jiñi chʌmeñoʼ bʌ, i tiʼ wut Jehová lajal bajcheʼ bej cuxulobʌch.
-
Jn 11:5, 6, 11-14. Cheʼ bʌ tsaʼ chʌmi Lázaro, Jesús tsiʼ yʌlʌ chaʼan jiñi chʌmeñoʼ bʌ lajal jach bajcheʼ wʌyʌlob.
-
Heb 2:14, 15. Jiñi apóstol Pablo tsiʼ yʌlʌ chaʼan mach yomic mi lac wen bʌcʼñan chʌmel.
-
¿Chucoch miʼ yʌl jiñi Biblia chaʼan ñumen wen cheʼ baʼ ora mi lac chʌmel i mach jiñic cheʼ bʌ mi lac chʼocʼan?
Pr. 22:1; Ec. 7:1, 2
¿Bajcheʼ miʼ lajintel ti Biblia jiñi chʌmel, i chuqui mi caj i mel Dios?
Is. 25:8; 1Co 15:26; Ap 20:14; 21:3, 4
¿Chucoch mucʼʌch lac ñop chaʼan mucʼʌch caj i chaʼ chʼojyelob jiñi chʌmeñoʼ bʌ?
Is. 26:19; Jn 5:28, 29; Hch 24:15
-
Ejemplo tac muʼ bʌ i coltañonla:
-
Jiñi Biblia miʼ taj ti tʼan 9 lac piʼʌlob tsaʼ bʌ chaʼ chʼojyiyob, 8 wʌʼ tsaʼ chaʼ chumleyob ila ti Lum. Ili relato tac miʼ mejlel i ñuqʼuesʌben i pusicʼal yicʼot miʼ yʌqʼuen i pijtaya jiñi am bʌ majqui chʌmen i chaʼañob.
-
1 R. 17:17-24. Jiñi xʼaltʼan Elías tsiʼ cuxtesʌbe i yalobil juntiquil viuda chumul bʌ ti Sarepta, jumpʼejl tejclum cʌylem bʌ ti Sidón.
-
2 R. 4:32-37. Ti Sunem, jiñi xʼaltʼan Eliseo tsiʼ chaʼ cuxtesa juntiquil chʼiton i cheʼ jiñi tsiʼ yʌqʼue i tat i ñaʼ.
-
2 R. 13:20, 21. Juntiquil wiñic tsaʼ jaxto bʌ chʌmi tsaʼ chaʼ cuxtʌyi cheʼ bʌ tsaʼ chojqui cʌytʌl yaʼ baqui mucbil Eliseo.
-
Lu 7:11-15. Ti Naín, Jesús tsiʼ cuxtesʌbe i yalobil juntiquil viuda cheʼ bʌ woliʼ majlel i mucob.
-
Lu 8:41, 42, 49-56. Jesús tsiʼ cuxtesʌbe i yixicʼal Jairo, juntiquil am bʌ tiʼ wenta jiñi sinagoga.
-
Jn 11:38-44. Jesús tsiʼ cuxtesa Lázaro, i cheʼ jiñi chaʼ temelix tsaʼ ajñi yicʼot Marta yicʼot María.
-
Hch 9:36-42. Jiñi apóstol Pedro tsiʼ cuxtesa Dorcas, juntiquil hermana muʼ bʌ i wen coltan yañoʼ bʌ.
-
Hch 20:7-12. Jiñi apóstol Pablo tsiʼ cuxtesa Eutico, juntiquil chʼiton tsaʼ bʌ yajli jubel ti ventana i tsaʼ chʌmi.
-
-
Jehová tsiʼ cuxtesa Jesucristo bajcheʼ juntiquil espíritu maʼañix bʌ miʼ mejlel ti chʌmel. Ili miʼ pʌsbeñonla chaʼan Dios mi caj i tsʼʌctesan pejtelel albil bʌ i chaʼan.
-
Jiñi ñaxam bʌ tsaʼ cuxtesʌnti chaʼan miʼ majlel ti panchan jiñʌch Jesús i maʼañix baʼ ora miʼ mejlel ti chʌmel, i an yambʌ 144 mil xñoptʼañob cheʼ bʌ miʼ yujtelob jaʼel.
-
¿Bajcheʼ miʼ mejlel laj coltañob jiñi woli bʌ i ñusañob wocol tiʼ caj an majqui tsaʼ chʌmi i chaʼañob?
Miʼ mejlel a qʼuel jaʼel iliyi
¡JAMɅX A WUT!
Wem bʌ coltaya chaʼan jiñi chʼijyemoʼ bʌ
Jiñi Biblia miʼ yʌcʼ jiñi ñumen wem bʌ coltaya chaʼan jiñi am bʌ majqui tsaʼ chʌmiyob i chaʼan.
YAMBɅ TEMA TAC
Cheʼ bʌ an majqui miʼ chʌmel lac chaʼan
Añʌch chuqui miʼ mejlel a mel chaʼan maʼ lʌtʼ majlel jiñi a chʼijyemlel.
LAC TSICTESΛBENTEL
¿Chuqui mi lac chaʼlen cheʼ mi lac chʌmel?
Ocho relato muʼ bʌ i yʌl jiñi Biblia chaʼan tsaʼ bʌ chaʼ chʼojyiyob. ¿Chuqui tsiʼ yʌlʌyob cheʼ bʌ tsaʼ chaʼ tejchiyob?
LAC TSICTESΛBENTEL (CHAʼAN BɅ ESTUDIO)
¿Tiʼ sujm ba tsaʼ chaʼ tejchi Jesús?
¿Bajcheʼ la cujil mi isujmʌch muʼ bʌ i yʌl jiñi Evangelio tac chaʼan Jesús?
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
