Ejemplo tac muʼ bʌ i coltañonla:

• 1 S. 16:16-23. Cheʼ bʌ David chʼitonto cʌmbil chaʼan wen yujil ñijcʌntel jiñi arpa, i jiñi i música tsiʼ colta jiñi rey Saúl chaʼan miʼ chaʼ taj i tijicñʌyel.

• 2 Cr. 2:13, 14. Hiram-Abí cʌmbil chaʼan cabʌl chuqui yujil melol, jin chaʼan jiñi rey Salomón tsiʼ yʌqʼue wen ñuc bʌ eʼtel cheʼ bʌ woliʼ mejlel jiñi templo.

Ejemplo tac muʼ bʌ i coltañonla:

• Gn. 24:10-21. Rebeca mach cojach tsiʼ mele tsaʼ bʌ i sube jiñi i wiñic Abrahán, ñumento tsiʼ mele. Cheʼ bajcheʼ jiñi, tsiʼ pʌsʌ chaʼan wen yujilʌch eʼtel yicʼot miʼ mulan i coltan yañoʼ bʌ.

• Flp 2:19-23. Jiñi apóstol Pablo tsiʼ yʌqʼue Timoteo jumpʼejl ñuc bʌ eʼtel come tsiʼ qʼuele chaʼan añʌch i pecʼlel yicʼot wen bʌx ti eʼtel.

Ejemplo tac muʼ bʌ i coltañonla:

• Pr. 6:6-11. Jiñi rey Salomón tsiʼ taja ti tʼan jiñi xiñichʼ chaʼan miʼ pʌsbeñonla chaʼan mach yomic tsʼubonla, yom bʌxonla ti eʼtel.

Ejemplo tac muʼ bʌ i coltañonla:

• Rt. 1:16, 17; 2:2, 3, 6, 7, 17, 18. Rut tsiʼ wen chaʼle eʼtel chaʼan miʼ mʌcʼlan Noemí, jiñi i suegra.

• Mt 15:4-9. Jesús tsiʼ jamʌ sube chaʼan mach weñic chuqui woliʼ melob jiñi mach bʌ yomobix i cʌntañob i papá i mamá come miʼ poj alob chaʼan woliʼ melbeñob i yeʼtel Dios i maʼañix miʼ mejlel i chʼʌmob tiʼ wenta.

Ejemplo tac muʼ bʌ i coltañonla:

• Gn. 31:3-13. Labán tsiʼ wen ticʼla Jacob, pero Jehová tsiʼ qʼuele chaʼan wen yujil eʼtel i tsiʼ yʌqʼue i bendición.

• Gn. 39:1-6, 20-23. Jehová tsiʼ yʌqʼue bendición José cheʼ bʌ tsiʼ chaʼle eʼtel tiʼ yotot Potifar yicʼot cheʼ bʌ an ti cárcel.

Ejemplo tac muʼ bʌ i coltañonla:

• Lu 12:15-21. Jesús tsiʼ cʼʌñʌ jumpʼejl lajiya chaʼan miʼ pʌsbeñonla chucoch mach weñic cheʼ mi lac ñumen qʼuel ti ñuc jiñi chubʌʼañʌl tac.

• 1Ti 6:17-19. Pablo tiʼ sube jiñi xñoptʼañob ricojoʼ bʌ chucoch mach yomic ñumen ñuc miʼ qʼuelob i bʌ, i tiʼ sube chaʼan yom miʼ pʌsob «wem bʌ i melbalob».

Ejemplo tac muʼ bʌ i coltañonla:

• Mt 25:14, 15. Jiñi lajiya tsaʼ bʌ i yʌlʌ Jesús miʼ pʌs chaʼan maʼañic miʼ pijtan chaʼan jiñi xcʌntʼañob i chaʼan junlajal bajcheʼ cʼamel miʼ mejlel i melbeñob i yeʼtel Jehová.

• Lu 21:2-4. Jesús tsiʼ pʌsʌ chaʼan mucʼʌch i chʼʌmbeñonla i sujm cheʼ bʌ tsiʼ yʌlʌ chaʼan tsiʼ wen qʼuele ti ñuc tsaʼ bʌ i yʌcʼʌ juntiquil pʼumpʼum bʌ mebaʼ xʼixic.

Ejemplo tac muʼ bʌ i coltañonla:

• 2Ti 4:17. Jiñi apóstol Pablo tsiʼ yʌlʌ chaʼan tsaʼʌch aqʼuenti i pʼʌtʌlel chaʼan miʼ tsʼʌctesan i yeʼtel cheʼ bʌ i cʼʌjñibal i chaʼan.