Ejemplo tac muʼ bʌ i coltañonla:

• Sal. 78:40, 41; 106:36-46. Jehová tsiʼ chʌn ñusʌbe i mul jiñi israelitajob anquese mach junsujtelic jach tsiʼ ñusʌbeyob i tʼan.

• Lu 15:11-32. Jesús tsiʼ taja ti tʼan jumpʼejl lajiya chaʼan juntiquil tatʌl tsaʼ bʌ i ñusʌbe i mul i yalobil cheʼ bʌ tsiʼ cʌyʌ i mel mach bʌ weñic, cheʼ bajcheʼ iliyi tsiʼ pʌsʌ bajcheʼ cʼamel yom i ñusan lac mul Jehová.

Ejemplo tac muʼ bʌ i coltañonla:

• Heb 9:22-28. Jiñi apóstol Pablo tiʼ tsictesa chaʼan Jehová miʼ mejlel i ñusan lac mul come Jesús tsiʼ yʌcʼʌ i cuxtʌlel ti laj caj.

• Ap 7:9, 10, 14, 15. Jiñi apóstol Juan tiʼ tsʼijbu chaʼan Dios tsiʼ ñusʌbe i mul jiñi «yonlel lac piʼʌlob» come tsiʼ ñopoyob chaʼan Jesús tsiʼ coltayonla.

Ejemplo tac muʼ bʌ i coltañonla:

• Job 42:7-10. Cheʼ bʌ Jehová muʼto caj i tsʼʌcan yicʼot i yʌqʼuen i bendición Job, tiʼ sube chaʼan miʼ taj ti oración jiñi uxtiquil wiñicob tsaʼ bʌ i toʼol jopʼbeyob i mul.

• Mt 18:21-35. Jesús tsiʼ cʼʌñʌ jumpʼejl ejemplo chaʼan miʼ pʌsbeñonla chaʼan mi la com chaʼan Jehová miʼ ñusan lac mul yom mi lac ñusʌben i mul yañoʼ bʌ jaʼel.

Ejemplo tac muʼ bʌ i coltañonla:

• Sal. 32:1-5; 51:1, 2, 16, 17. David wen chʼijyem tsiʼ yubi i bʌ come tsiʼ mele tsʌts tac bʌ mulil, pero tsiʼ chaʼ ñaʼta i bʌ tiʼ sujm.

• Snt 5:14-16. Santiago tsiʼ yʌlʌ chaʼan mi juntiquil tsiʼ chaʼle tsʌts bʌ mulil yom miʼ pejcan jiñi ancianojob.

Ejemplo tac muʼ bʌ i coltañonla:

• 1 R. 21:27-29; 2 Cr. 18:18-22, 33, 34; 19:1, 2. Jiñi rey Acab tsaʼʌch i poj chaʼ ñaʼta i bʌ yilal cheʼ bʌ tsiʼ yubi chaʼan Jehová mi caj i yʌqʼuen i toj i mul, jin chaʼan Jehová tsaʼʌch i lon pʼunta. Pero ti wiʼil tsiʼ pʌsʌ chaʼan mach tiʼ sujmic tsiʼ chaʼ ñaʼta i bʌ, jin chaʼan Jehová maʼañic tsiʼ ñusʌbe i mul i tsiʼ yʌcʼʌ ti tsʌnsʌntel.

• 2 Cr. 33:1-16. Anquese Manasés tsiʼ wen mele mach bʌ weñic, Jehová tsiʼ ñusʌbe i mul come tsiʼ chaʼ ñaʼta i bʌ. Tsiʼ jisa pejtelel jiñi mach bʌ i sujmic dios i tsiʼ colta jiñi israelitajob chaʼan miʼ chaʼ chʼujutesañob Jehová, cheʼ bajcheʼ jiñi tsiʼ pʌsʌ chaʼan i sujmʌch tsiʼ qʼuexta i bʌ.

 Ejemplo tac muʼ bʌ i coltañonla:

• 2 S. 12:13; 24:1; 1 R. 9:4, 5. David tsiʼ mele tsʌts tac bʌ mulil, pero Jehová tsaʼʌch i ñusʌbe come tsiʼ chaʼ ñaʼta i bʌ. Ti wiʼil, Jehová tsiʼ taja ti tʼan bajcheʼ juntiquil wiñic xucʼul bʌ tsaʼ ajñi.

Ejemplo tac muʼ bʌ i coltañonla:

• Mt 26:36, 40, 41. Jiñi xcʌntʼañob tsaʼ wʌyiyob cheʼ bʌ Jesús ñumen i cʼʌjñibal i chaʼañob, pero tsiʼ chʼʌmbe i sujm chaʼan lujbob.

• Mt 26:69-75; Lu 24:33, 34; Hch 2:37-41. Pedro uxyajl tsiʼ yʌlʌ chaʼan mach i cʌñʌyic Jesús, pero tsiʼ chaʼ ñaʼta i bʌ i Jesús tsiʼ ñusʌbe. Cheʼ bʌ Jesús tsaʼ chaʼ chʼojyi tsiʼ pʌsbe i bʌ Pedro i tsiʼ yʌqʼue ñuc tac bʌ i yeʼtel ti congregación.

Ejemplo tac muʼ bʌ i coltañonla:

• Mt 23:29-33. Jesús tsiʼ wʌn sube jiñi xtsʼijbayajob yicʼot fariseojob chaʼan mi caj i majlelob ti Gehena, ili yom i yʌl chaʼan mi caj i junyajl jisʌntelob.

• Jn 17:12; Mr 14:21. Jesús tiʼ sube Judas Iscariote chaʼan i «yalobil jisʌntel» yicʼot chaʼan ñumen wen cheʼ machic tsiʼ yila pañimil.