Ili libro Texto tac muʼ bʌ i coltañonla ti laj cuxtʌlel tsaʼ mejli chaʼan miʼ coltañet a taj texto tac muʼ bʌ i mejlel i coltañet ti chuqui tac maʼ ñusan ti jujumpʼejl qʼuin. Cheʼ jaʼel, mi caj i coltañet a taj texto tac muʼ bʌ i mejlel a cʼʌn chaʼan maʼ tijicñesan yañoʼ bʌ yicʼot chaʼan maʼ coltañob i mel muʼ bʌ i yʌqʼuen i ñuclel Jehová. Sʌclan jach jiñi tema a wom bʌ, i yaʼ tiʼ mal mi caj a taj cʼajtiya tac yicʼot i yalʌ tsictesʌntel jiñi texto tac (qʼuele jiñi recuadro « Bajcheʼ miʼ cʼʌjñel ili publicación»). Ora jach mi caj a taj texto tac muʼ bʌ i mejlel i ñuqʼuesan a pusicʼal yicʼot ticʼojel tac loqʼuem bʌ ti Biblia. Cheʼ jaʼel, mi caj a taj principio tac muʼ bʌ mejlel a cʼʌn yicʼot chaʼan maʼ coltan yañoʼ bʌ.

Ili libro maʼañic miʼ laj chʼʌm tilel jiñi texto tac chaʼan jujumpʼejl tema. Mucʼ jach i coltañet chaʼan jatetix maʼ ñumen chaʼlen ti investigar (Pr. 2:​1-6). Chaʼan maʼ ñumen cʌn, cʼʌñʌ jiñi letra volada muʼ bʌ i tilel ti jiñi texto tac yicʼot jiñi nota de estudio am bʌ ti La Biblia. Traducción del Nuevo Mundo. Cheʼ jaʼel, miʼ mejlel a cʼʌn jiñi Coltʌntel chaʼan estudio o jiñi Índice de las publicaciones Watch Tower chaʼan maʼ ñumen chʼʌmben i sujm i chaʼan maʼ ñaʼtan bajcheʼ miʼ mejlel a cʼʌn jumpʼejl texto. Qʼuele mi luʼ actualizadojʌch jiñi woli bʌ a cʼʌn.

Mic pijtan lojon chaʼan ili jun miʼ coltañet a cʌn yicʼot a chʼʌmben i sujm jiñi am bʌ tiʼ Tʼan Dios. Cheʼ bʌ maʼ cʼʌn majlel ili jun, mi caj a ñumen ñop chaʼan «jiñi i tʼan Dios cuxulʌch i wen pʼʌtʌl» (Heb 4:12).