Ejemplo tac muʼ bʌ i coltañonla:

• 1 S. 15:17-23. Jiñi xʼaltʼan Samuel tsiʼ tiqʼui jiñi rey Saúl come maʼañic tsiʼ jacʼbe i tʼan Jehová i tiʼ sube chaʼan ñuc i cʼʌjñibal mi lac jacʼtʼan.

• Heb 5:7-10. Jesús tiʼ pejtelel ora tsiʼ jacʼbe i tʼan i Tat, i cheʼ bʌ tsajñi ila ti Lum tsaʼʌch i bej jacʼbe i tʼan anquese tsiʼ ñusa wocol tac.

Ejemplo tac muʼ bʌ i coltañonla:

• Dn. 3:13-18. Uxtiquil hebreojob xucʼuloʼ bʌ ti Jehová maʼañic tsiʼ jacʼʌ i chʼujutesañob jiñi i yejtal wiñic tsaʼ bʌ i yʌcʼʌ ti mejlel jiñi rey Nabucodonosor anquese miʼ mejlelob ti tsʌnsʌntel.

• Mt 22:15-22. Jesús tiʼ sube jiñi xcʌntʼañob i chaʼan chaʼan yom miʼ jacʼbeñob i tʼan jiñi añoʼ bʌ i yeʼtel miʼ maʼañic miʼ subentelob i ñusʌbeñob i tʼan Jehová.

• Hch 4:18-31. Jiñi apóstolob tsiʼ chʌn chaʼleyob subtʼan yicʼotob i chʼejlel anquese jiñi añoʼ bʌ i yeʼtel tiʼ subeyob chaʼan miʼ cʌyob.

Ejemplo tac muʼ bʌ i coltañonla:

• Esd. 7:7-10. Jiñi sacerdote Esdras tsaʼʌch i ñaxan wʌn chajpa i pusicʼal chaʼan miʼ mejlel i pʌs bajcheʼ yom miʼ jacʼbentel i mandar Dios yicʼot chaʼan miʼ cʌntesan yañoʼ bʌ.

• Jn 14:31. Jesús tiʼ tsictesa chucoch tsaʼʌch i luʼ jacʼʌ i mel chuqui tiʼ sube i Tat.

Ejemplo tac muʼ bʌ i coltañonla:

• Gn. 6:9-22; Heb 11:7. Noé tsiʼ pʌsʌ chaʼan mucʼʌch i ñop Jehová cheʼ bʌ tsiʼ jacʼʌ i mel jiñi arca cheʼʌch bajcheʼ tsaʼ subenti.

• Heb 11:8, 9, 17. Abrahán tsiʼ pʌsʌ chaʼan mucʼʌch i ñop Jehová come tsiʼ jacʼʌ loqʼuel ti Ur yicʼot colel i yʌcʼ i yalobil bajcheʼ majtañʌl.

Ejemplo tac muʼ bʌ i coltañonla:

• Lv. 26:3-6. Jehová miʼ yʌcʼ i tʼan chaʼan mi caj i yʌqʼuen bendición yicʼot mi caj i cʌntan jiñi muʼ bʌ i jacʼbeñob i tʼan.

• Nm. 13:30, 31; 14:22-24. Jehová tsiʼ yʌqʼue bendición Caleb come tsaʼʌch i jacʼbe i tʼan.

Ejemplo tac muʼ bʌ i coltañonla:

• Gn. 2:16, 17; 3:17-19. Adán yicʼot Eva tsaʼ sujtiyob tiʼ xmulil, tiʼ sʌtʌyob jiñi Paraíso yicʼot i cuxtʌlel tiʼ pejtelel ora come tsiʼ ñusʌbeyob i tʼan Jehová.

• Dt. 18:18, 19; Hch 3:12, 18, 22, 23. Jehová tsiʼ wʌn alʌ chaʼan tal juntiquil xʼaltʼan ñumen ñuc bajcheʼ Moisés i tsiʼ yʌlʌ chaʼan jiñi maʼañic bʌ miʼ jacʼbeñob i tʼan mi caj i tajob wocol.

• Jud 6, 7. Jiñi jontol bʌ ángelob yicʼot jiñi chumuloʼ bʌ ti Sodoma yicʼot Gomorra tsiʼ yʌcʼʌyob ti michʼan Jehová tiʼ caj xñusatʼañob.

 Ejemplo tac muʼ bʌ i coltañonla:

• Jn 12:46-48; 14:24. Jesús tiʼ tsictesa chaʼan jiñi maʼañic bʌ miʼ jacʼbeñob i tʼan mi caj i yujtel meloñel tiʼ tojlelob yicʼot mi caj i yʌqʼuentelob i tojob i mul.

Ejemplo tac muʼ bʌ i coltañonla:

• Gn. 37:3, 4, 8, 11-13, 18. Cheʼ bʌ José chʼitonto tsiʼ jacʼbe i tʼan i papá i tsaʼto i chaʼle ñajt bʌ xʌmbal chaʼan miʼ majlel i qʼuel i yerañob anquese mach yomic qʼuejlel.

• Lu 2:51. Jesús mach xmulilic pero tsaʼʌch i chʌn jacʼbe i tʼan José yicʼot María anquese xmulilob.