Jehová
I cʼabaʼ
Miʼ ñaʼtʌntel chaʼan jiñi i cʼabaʼ Jehová yom i yʌl chaʼan «jiñʌch miʼ mel chaʼan cheʼʌch miʼ sujtel»
Gn. 1:1; Éx. 3:13-15; Sal. 102:25; Is. 42:5
¿Chuqui tac miʼ mejlel ti sujtel Jehová o chuqui tac ti eʼtel miʼ mejlel i mel chaʼan miʼ cʌntan i wiñicob?
Sal. 19:14; 68:5; Is. 33:22; 40:11; 2Co 1:3, 4
Qʼuele jaʼel Sal. 118:14; Is. 30:20; Jer. 3:14; Zac. 2:5.
¿Chucoch mi la cʌl chaʼan jiñi ñumen ñuc bʌ i cʼʌjñibal jiñʌch cheʼ miʼ sʌqʼuesʌbentel i cʼabaʼ Dios?
Sl 83:18; Is. 29:23; Ez. 36:23; Lu 11:2
¿Chucoch cojach Jehová yom mi lac luʼ jacʼben i tʼan?
Bajcheʼ tac cʌmbil Jehová
Cʼax ñuc bʌ: Gn. 14:18-22; Sal. 7:17.
I Yum panchan yicʼot Pañimil: 1 S. 1:11.
Jiñi xajlel: Dt. 32:4; Is. 26:4.
Lac Yum Dios: Is. 25:8; Am. 3:7.
Mach bʌ añic i pʼisol i pʼʌtʌlel: Gn. 17:1; Ap 19:6.
Ñuc bʌ Dios: Heb 1:3; 8:1.
Rey am bʌ tiʼ pejtelel ora: 1Ti 1:17; Ap 15:3.
Tatʌl: Mt 6:9; Jn 5:21.
Xcʌntesa: Is. 30:20.
Bajcheʼ tac yilal Jehová
¿Bajcheʼ miʼ pʌsbeñonla Jehová chaʼan chʼujulʌch? ¿Chuqui miʼ ñijcañonla lac mel iliyi?
Éx. 28:36; Lv. 19:2; 2Co 7:1; 1Pe 1:13-16
-
Ejemplo tac muʼ bʌ i coltañonla:
-
Is. 6:1-8. Cheʼ bʌ jiñi xʼaltʼan Isaías tsaʼ pʌsbenti chaʼan Jehová chʼujulʌch, maʼañic i cʼʌjñibal tsiʼ yubi i bʌ come xmulil. Pero juntiquil serafín tsiʼ pʌsbe chaʼan sʌc mi lac mejlel ti ajñel tiʼ tojlel Dios anquese xmulilonla.
-
Ro 6:12-23; 12:1, 2. Jiñi apóstol Pablo tiʼ tsictesa chuqui miʼ mejlel lac mel chaʼan maʼañic mi lac yajlel ti mulil i mi lac chaʼlen wersa chaʼan sʌc mi la cajñel tiʼ tojlel Dios.
-
¿Bajcheʼ cʼamel i pʼʌtʌlel Jehová, i bajcheʼ tac miʼ cʼʌn?
Éx. 15:3-6; 2 Cr. 16:9; Is. 40:22, 25, 26, 28-31
-
Ejemplo tac muʼ bʌ i coltañonla:
-
Dt. 8:12-18. Jiñi xʼaltʼan Moisés tiʼ sube jiñi israelitajob chaʼan Jehová wen uts yicʼot miʼ cʼʌn i pʼʌtʌlel chaʼan miʼ coltañob, jin chaʼan cabʌl chuqui wem bʌ añob i chaʼan.
-
1 R. 19:9-14. Cheʼ bʌ jiñi xʼaltʼan Elías wen chʼijyem, Jehová tsiʼ pʌsbe i pʼʌtʌlel chaʼan miʼ chaʼ pʼʌtʼesan.
-
¿Chucoch miʼ mejlel lac ñop chaʼan tojʌch pejtelel chuqui miʼ mel Jehová?
Dt. 32:4; Job 34:10; 37:23; Sal. 37:28; Is. 33:22
-
Ejemplo tac muʼ bʌ i coltañonla:
-
Dt. 24:16-22. Jiñi Mandar tsaʼ bʌ aqʼuenti Moisés miʼ pʌs chaʼan tojʌch pejtelel chuqui miʼ mel Jehová, yujil cʼuxbiya yicʼot pʼuntaya.
-
2 Cr. 19:4-7. Cheʼ bʌ jiñi rey Jehosafat tsiʼ waʼchoco juezob tiʼ subeyob chaʼan toj chuqui yom miʼ melob cheʼ bajcheʼ Jehová i mach cheʼic bajcheʼ jiñi wiñicob.
-
¿Bajcheʼ la cujil chaʼan maʼañic yambʌ wen am bʌ i ñaʼtʌbal bajcheʼ Jehová?
Sal. 104:24; Pr. 2:1-8; Jer. 10:12; Ro 11:33; 16:27
Qʼuele jaʼel Sal. 139:14; Jer. 17:10.
-
Ejemplo tac muʼ bʌ i coltañonla:
-
1 R. 4:29-34. Jehová tsiʼ wen aqʼue i ñaʼtʌbal Salomón, i ti jimbʌ ora maʼañic yambʌ cheʼ bʌ bajcheʼ jiñi.
-
Lu 11:31; Jn 7:14-18. Jesús ñumen anto i ñaʼtʌbal bajcheʼ Salomón, pero tsiʼ cʌñʌ chaʼan jiñi i ñaʼtʌbal tilem ti Jehová.
-
¿Chuqui an i mele Jehová chaʼan miʼ pʌsbeñonla bajcheʼ cʼamel miʼ cʼuxbiñonla?
Jn 3:16; Ro 8:32; 1Jn 4:8-10, 19
Qʼuele jaʼel Sof. 3:17; Jn 3:35.
-
Ejemplo tac muʼ bʌ i coltañonla:
-
Mt 10:29-31. Jesús tsiʼ taja ti tʼan jiñi xpuruwoc chaʼan miʼ pʌs chaʼan Jehová miʼ wen cʼuxbin yicʼot miʼ qʼuel ti ñuc jujuntiquil i wiñicob.
-
Mr 1:9-11. Jehová tiʼ sube Jesús chaʼan miʼ wen cʼuxbin i chaʼan tijicña miʼ yubin tiʼ tojlel. Ili ora, cheʼʌch yom miʼ subeñob jaʼel i yalobilob jiñi tatʌlob.
-
¿Chuqui tac yambʌ miʼ mejlel i lʌcʼtesañonla ti Jehová? ¿Chuqui tac yambʌ miʼ yʌl jiñi Biblia tiʼ tojlel?
An i pecʼlel: Sl 18:35.
An tiʼ pejtelel ora, maʼañic i tejchibal yicʼot maʼañic i yujtibal: Sal. 90:2; 93:2.
Dios chaʼan bʌ ñʌchʼtʌlel: Flp 4:9.
Mach xchʌquic: Sal. 104:13-15; 145:16.
Maʼañic miʼ qʼuextʌyel: Mal. 3:6; Snt 1:17.
Miʼ luʼ qʼuel chuqui miʼ yujtel: 2 Cr. 16:9; Pr. 15:3.
Miʼ pʼuntañonla: Éx. 34:6; Is. 49:15; 63:9; Zac. 2:8.
Tijicña: 1Ti 1:11.
Toj: Sal. 7:9.
Uts: Lu 6:35; Ro 2:4.
Wen an i ñuclel: Sal. 8:1; 148:13; Ap 4:1-6.
Xucʼul: Ap 15:4.
Yujil pijt: Is. 30:18; 2Pe 3:9.
¿Chuqui mi caj i yujtel cheʼ mi lac ñumen cʌñeʼ Jehová?
Dt. 6:4, 5; Mr 12:28-32
Bajcheʼ tac miʼ mejlel lac melben i yeʼtel Jehová
¿Bajcheʼ la cujil chaʼan Jehová maʼañic miʼ subeñonla lac mel mach bʌ añix miʼ mejlel lac mel?
Dt. 10:12; Mi. 6:8; 1Jn 5:3
-
Ejemplo tac muʼ bʌ i coltañonla:
-
Dt. 30:11-14. Jiñi Mandar tsaʼ bʌ aqʼuenti jiñi israelitajob mach wen wocolic ti jacʼol.
-
Mt 11:28-30. Jesús tiʼ sube jiñi xcʌntʼañob i chaʼan chaʼan mi caj i coltañob, i chaʼan cheʼʌch miʼ mel cheʼ bajcheʼ miʼ mel i Tat.
-
¿Chucoch yom mi la cʌqʼuen i ñuclel Jehová?
Sal. 105:1, 2; Is. 43:10-12, 21
Qʼuele jaʼel Jer. 20:9; Lu 6:45; Hch 4:19, 20.
-
Ejemplo tac muʼ bʌ i coltañonla:
-
Sal. 104:1, 2, 10-20, 33, 34. Jiñi salmista tsiʼ cʼʌyibe i ñuclel Jehová chaʼan pejtelel chuqui melbil i chaʼan.
-
Sal. 148:1-14. Jiñi ángelob yicʼot pejtelel chuqui melbil miʼ yʌqʼuen i ñuclel Jehová, i cheʼʌch yom mi lac mel jaʼel.
-
¿Bajcheʼ miʼ mejlel la cʌqʼuen i ñuclel Jehová ti chuqui tac mi lac mel?
¿Chucoch yom mi lac lʌcʼtesan lac bʌ ti Jehová?
Sal. 73:28; Snt 4:8
¿Chucoch yomʌch an lac pecʼlel chaʼan mi lac lʌcʼtesan lac bʌ ti Jehová?
Sal. 138:6; Is. 57:15
¿Chucoch yom mi lac pejcan jiñi Biblia yicʼot mi lac wen ñaʼtan chuqui tac miʼ yʌl mi la com lac lʌcʼtesan lac bʌ ti Jehová?
Sal. 1:1-3; 77:11-13; Mal. 3:16
¿Chucoch yomʌch mi lac jacʼ chuqui muʼ bʌ i pʌsbeñonla Jehová?
¿Chucoch maʼañic chuqui yom mi lac mucben Jehová?
Job 34:22; Pr. 28:13; Jer. 23:24; 1Ti 5:24, 25
-
Ejemplo tac muʼ bʌ i coltañonla:
-
2 R. 5:20-27. Guehazí tsiʼ ñopo i muc i mul, pero Jehová tiʼ sube jiñi xʼaltʼan Eliseo chuqui tsaʼ bʌ i mele Guehazí.
-
Hch 5:1-11. Ananías yicʼot Safira tsiʼ ñopo i mucob i mul, pero Jehová tsiʼ yʌcʼʌ ti cʌñol i tsiʼ yʌqʼueyob i toj i mul.
-
Miʼ mejlel a qʼuel jaʼel iliyi
CʼAJTIYA TAC CHAʼAN BɅ BIBLIA
¿Jaypʼejl i cʼabaʼ Dios?
Cabʌl lac piʼʌlob miʼ ñaʼtañob chaʼan Dios an cabʌl i cʼabaʼ: Alá, Señor, Mach bʌ añic i pʼisol i pʼʌtʌlel, Jehová salom, Alfa yicʼot Omega... ¿Ñuc baʼ i cʼʌjñibal cheʼ la cujil chuqui i cʼabaʼ Dios?
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
