Ejemplo tac muʼ bʌ i pʼʌtʼesañonla:

• 1 S. 16:4-13. Cheʼ bʌ Samuel tsaʼ majli i yajcan jiñi yambʌ rey chaʼan Israel, Jehová tiʼ sube chaʼan mach jin jach miʼ qʼuelben i ñiʼ i wut.

• Jn 8:31-40. An judíojob tsaʼ bʌ caji i qʼuelob i bʌ ti ñuc tiʼ caj tilemob tiʼ pʼolbal Abrahán, pero Jesús tsiʼ jamʌ subeyob chaʼan mach cheʼobic i melbal bajcheʼ Abrahán.

Ejemplo tac muʼ bʌ i pʼʌtʼesañonla:

• Jon. 4:1-11. Jehová wen jach bajcheʼ tsiʼ pʌsbe Jonás chaʼan yom miʼ pʌsben i pʼuntaya jiñi ninivitajob anquese qʼuexel i lumalob.

• Hch 10:1-8, 24-29, 34, 35. Jiñi apóstol Pedro tsiʼ cʌñʌ chaʼan mach yomic miʼ tsʼaʼlen jiñi gentilob, jin chaʼan tsiʼ colta Cornelio yicʼot jiñi añoʼ bʌ tiʼ yotot chaʼan miʼ sujtelob ti xñoptʼan. Jiñʌch jiñi ñaxam bʌ gentilob tsaʼ bʌ sujtiyob ti xñoptʼan.

Ejemplo tac muʼ bʌ i pʼʌtʼesañonla:

• Dt. 17:18-20. Jehová tiʼ sube jiñi reyob ti Israel chaʼan mach yomic miʼ qʼuelob i bʌ ti ñuc tiʼ tojlel jiñi israelitajob come tiʼ tojlel Dios lajal bajcheʼ luʼ i yermañujob i bʌ.

• Mr 10:35-45. Jesús tsiʼ tiqʼui jiñi i yapóstolob come tsaʼix caji i mulañob i taj ñuc tac bʌ eʼtel (qʼuele jaʼel jiñi nota de estudio chaʼan Mr 10:42 «dominan al pueblo» am bʌ ti La Biblia. Traducción del Nuevo Mundo).

Ejemplo tac muʼ bʌ i pʼʌtʼesañonla:

• Jn 6:14, 15. Cabʌlob tsaʼ bʌ i ñaʼtayob chaʼan Jesús mi caj i tojʼesan jiñi wocol tac am bʌ tiʼ lumal i jin chaʼan tsiʼ ñopoyob i yotsan ti rey, pero Jesús maʼañic tsiʼ jacʼʌ.