Ejemplo tac muʼ bʌ i coltañonla:

• Gn. 7:23; Mt 24:37-39; 2Pe 2:5. Anquese Noé tsiʼ lon chaʼle subtʼan, jiñi lac piʼʌlob maʼañic tsiʼ junyajl ñʌchʼtayob. Cojach Noé yicʼot i familia maʼañic tsaʼ jisʌntiyob ti Diluvio.

• 2Ti 3:10-14. Jiñi apóstol Pablo tiʼ sube Timoteo chaʼan miʼ lʌtʼ jaʼel chuqui tac jach miʼ yujtel tiʼ tojlel.

Ejemplo tac muʼ bʌ i coltañonla:

• Gn. 4:3-11; 1Jn 3:11, 12. Jiñi Biblia miʼ yʌl chaʼan Caín juntiquilʌch jontol bʌ wiñic, jin chaʼan tiʼ tsʌnsa Abel, mach bʌ jontolic.

• Gn. 37:5-8, 18-28. Cheʼ bʌ José tiʼ sube i yerañob chaʼan tsiʼ chaʼle ñajal tilem bʌ ti Jehová, tsiʼ chocoyob ochel ti pozo i ti wiʼil tsiʼ choñoyob bajcheʼ xyaj eʼtel.

Ejemplo tac muʼ bʌ i coltañonla:

• Dn. 3:1-6, 13-18. Anquese tsaʼ subentiyob chaʼan mi caj i tsʌnsʌntelob, Sadrac, Mesac yicʼot Abednego maʼañic tsiʼ jacʼʌ i chʼujutesañob jiñi colem imagen tsaʼ bʌ i yʌcʼʌ ti mejlel jiñi rey.

• Hch 5:27-29, 33, 40-42. Jiñi apóstolob maʼañic tsiʼ cʌyʌyob subtʼan anquese tsaʼ subentiyob chaʼan mi caj i tsʌnsʌntelob mi maʼañic miʼ cʌyob.

Ejemplo tac muʼ bʌ i coltañonla:

• Nm. 20:9-12; Dt. 3:23-28; 31:7, 8. Anquese Moisés chʼijyemʌch tsiʼ yubi cheʼ bʌ Jehová tiʼ sube chaʼan maʼañic mi caj i yochel ti jiñi Lum tsaʼ bʌ wʌn subentiyob, tsaʼʌch i bej melbe i yeʼtel cʼʌlʌl tsaʼ chʌmi.

• 2 R. 20:12-18; 2 Cr. 32:24-26. Cheʼ bʌ Ezequías tsiʼ taja i sajtemal, Jehová tsiʼ choco majlel juntiquil xʼaltʼan chaʼan miʼ ticʼ. Ezequías tsaʼʌch i jacʼʌ i tsiʼ bej melbe i yeʼtel Jehová.

Ejemplo tac muʼ bʌ i coltañonla:

• Sal. 73:2-24. Cheʼ bʌ jiñi salmista tsiʼ qʼuele chaʼan jiñi jontoloʼ bʌ wen bajcheʼ chumulob yicʼot tijicñayob yilal, tsaʼ caji i ñaʼtan mi añixto i cʼʌjñibal miʼ bej melben i yeʼtel Jehová.

• Jn 6:60-62, 66-68. Anquese cabʌlob tsiʼ cʌyʌyob Jesús, jiñi apóstol Pedro maʼañic tsaʼ lujbʼa i maʼañic tsiʼ cʌyʌ come mucʼʌch i ñop tiʼ tojlel.

Ejemplo tac muʼ bʌ i coltañonla:

• Dn. 6:4-11. Anquese jiñi xʼaltʼan Daniel miʼ mejlel ti tsʌnsʌntel, tsaʼʌch i bej melbe oración Jehová i maʼañic tsiʼ mujcu i bʌ.

• Mt 26:36-46; Heb 5:7. Cheʼ bʌ jumpʼejl jax acʼʌlel yom chaʼan miʼ chʌmel Jesús, tsiʼ wen melbe oración Jehová i tiʼ sube jiñi yañoʼ bʌ chaʼan miʼ chaʼleñob oración jaʼel.

Ejemplo tac muʼ bʌ i coltañonla:

• Job 1:6-12; 2:3-5. Satanás tsiʼ yʌlʌ chaʼan jiñi lac piʼʌlob mucʼ jach i melbeñob i yeʼtel Jehová chaʼan jach yomob miʼ cʌntʌntelob. Pero Job tsaʼʌch i lʌtʼʌ pejtelel jiñi wocol, i cheʼ bajcheʼ jiñi tsiʼ pʌsʌ chaʼan mach i sujmic tsaʼ bʌ i yʌlʌ Satanás.

• Ro 5:19; 1Pe 1:20, 21. Adán tsiʼ ñusʌbe i tʼan Dios, pero Jesús xucʼul tsaʼ ajñi cʼʌlʌl tsaʼ chʌmi. Cheʼ bajcheʼ jiñi tsiʼ pʌsʌ chaʼan juntiquil toj bʌ lac piʼʌl xucʼul miʼ mejlel ti ajñel anquese miʼ ñusan wen tsʌts tac bʌ wocol.