Ejemplo tac muʼ bʌ i coltañonla:

• Abd. 10-14. Dios tsiʼ yʌqʼueyob i toj i mul jiñi añoʼ bʌ ti Edom tiʼ caj tsiʼ ticʼla jiñi israelitajob.

Ejemplo tac muʼ bʌ i coltañonla:

• 2 S. 15:1-6. Absalón tsiʼ wen chañʼesa i bʌ i cabʌl chuqui tsiʼ mele chaʼan ñumento miʼ cʼuxbintel bajcheʼ David.

• Dn. 4:29-32. Jehová tsiʼ yʌqʼue i cʌn pañimil jiñi rey Nabucodonosor tiʼ caj cʌlʌx ñuquix tsaʼ caji i yubin i bʌ.

Ejemplo tac muʼ bʌ i coltañonla:

• 1 S. 8:10-20. Anquese jiñi xʼaltʼan Samuel tiʼ sube jiñi israelitajob chaʼan maʼañic chuqui yeʼtel i chaʼañob juntiquil rey, jiñi israelitajob maʼañic tsiʼ jacʼʌyob.

• 1 S. 25:2-13, 34. Cheʼ bʌ Nabal maʼañic tsiʼ jacʼʌ i coltan David colelix i tsʌnsʌntel temel yicʼot pejtelel jiñi wiñicob añoʼ bʌ tiʼ yotot.

Ejemplo tac muʼ bʌ i coltañonla:

• Nm. 13:25-33. Jiñi diez israelitajob tsaʼ bʌ chojquiyob majlel i qʼuel jiñi lum tsaʼ bʌ wʌn subentiyob tsiʼ chaʼleyob bʌqʼuen i tsiʼ yotsʌbeyob i bʌqʼuen jiñi tejclum jaʼel.

• Mt 26:69-75. Tiʼ caj i bʌqʼuen, Pedro uxyajl tsiʼ yʌlʌ chaʼan mach i cʌñʌyic Jesús.

Ejemplo tac muʼ bʌ i coltañonla:

• Job 31:24-28. Anquese Job ricojʌch maʼañic tsiʼ cʌlʌx acʼʌ tiʼ pusicʼal jiñi chubʌʼañʌl tac.

• Mr 10:17-27. Juntiquil chʼiton wiñic rico bʌ maʼañic tsiʼ mulaj i tsajcan Jesús tiʼ caj mach yomic i cʌy i chubʌʼan.

 Ejemplo tac muʼ bʌ i coltañonla:

• Gn. 13:5-9. Cheʼ bʌ jiñi i wiñicob Abrahán yicʼot i wiñicob Lot tsaʼ cajiyob ti leto, Abrahán maʼañic tsiʼ tsʌtsʼesa i bʌ tiʼ tʼan chaʼan maʼañic miʼ bej tejchel wocol.

• Jue. 8:1-3. Jiñi wiñicob chʼoyoloʼ bʌ ti Efraín tsiʼ ñopo i techob leto yicʼot Gedeón, pero tsaʼ ñʌjchʼiyob come Gedeón tsiʼ pʌsʌ i pecʼlel.

Ejemplo tac muʼ bʌ i coltañonla:

• Gn. 26:12-15. Jiñi filisteojob tsaʼ cajiyob ti tsʌytsʌyñiyel i pusicʼal cheʼ bʌ tsiʼ qʼueleyob chaʼan Isaac tsaʼ caji ti wen pʼojlel i chubʌʼan come Jehová tsiʼ yʌqʼue bendición.

• 1 R. 21:1-19. Jiñi jontol bʌ rey Acab tsaʼ caji mulʌben i lum Nabot, i tiʼ caj jiñi tsiʼ jopʼbeyob i mul Nabot i tsaʼ tsʌnsʌnti.

Ejemplo tac muʼ bʌ i coltañonla:

• Gn. 42:21-24. Jiñi i yerañob José chʼijyem tsiʼ yubiyob i bʌ cheʼ bʌ tsiʼ cʼajtesayob bajcheʼ tsiʼ ticʼlayob José.

• Mr 3:1-6. Jesús cʼux tsiʼ yubi cheʼ bʌ tsiʼ qʼuele i jontolil jiñi fariseojob.

Ejemplo tac muʼ bʌ i coltañonla:

• 1 S. 18:6-9; 20:30-34. Saúl tsiʼ ñaʼta chaʼan David mach xucʼulix tiʼ tojlel i tsaʼto i ñopo i yʌcʼ Jonatán tiʼ contra.

Ejemplo tac muʼ bʌ i coltañonla:

• Mt 12:1-7. Jesús tsiʼ yʌlʌ chaʼan jiñi fariseojob ñumen tojob miʼ yubiñob i bʌ bajcheʼ yañoʼ bʌ.

• Lu 18:9-14. Jesús tsiʼ cʼʌñʌ jumpʼejl lajiya chaʼan miʼ pʌs chaʼan Jehová mach weñic miʼ qʼuel jiñi cʌlʌx tojix bʌ miʼ yubiñob i bʌ.

 Ejemplo tac muʼ bʌ i coltañonla:

• Gn. 37:18, 19, 23, 24, 31-35. Jiñi i yerañob José tsiʼ ticʼlayob i tsiʼ choñoyob bajcheʼ xyaj eʼtel, cheʼ jiñi tiʼ subeyob Jacob chaʼan tsaʼ chʌmi.

• Gn. 49:5-7. Simeón yicʼot Leví tsaʼ aqʼuentiyob tsʌts bʌ ticʼojel come maʼañic tsiʼ tiqʼuiyob i michʼajel i tsiʼ meleyob mach bʌ weñic.

• 1 S. 20:30-34. Cheʼ bʌ jiñi rey Saúl wen michʼ, tsiʼ pʼaja Jonatán i tsaʼto i ñopo i tsʌnsan.

• 1 S. 25:14-17. Cheʼ bʌ Nabal cʌlʌxix chuqui tsiʼ ñiqʼui sube jiñi i wiñicob David, colel i yʌcʼ ti tsʌnsʌntel añoʼ bʌ tiʼ yotot.

Ejemplo tac muʼ bʌ i coltañonla:

• 2 Cr. 36:11-17. Sedequías juntiquilʌch jontol bʌ rey tsʌts bʌ i pusicʼal tsaʼ bʌ i yʌcʼʌ ti wocol jiñi tejclum.

• Hch 19:8, 9. Jiñi apóstol Pablo tsiʼ cʌyʌ i subeñob wen tʼan jiñi tsʌtsoʼ bʌ i pusicʼal maʼañic bʌ tsiʼ jacʼʌyob i ñʌchʼtan.