Ejemplo tac muʼ bʌ i coltañonla:

• 2 Cr. 32:2-8. Ezequías tsiʼ pʼʌtʼesa jiñi tejclum cheʼ bʌ jiñi asiriojob tsiʼ contrajiyob.

• Dn. 10:2, 8-11, 18, 19. Juntiquil ángel tsiʼ pʼʌtʼesa Daniel come ñoxix yicʼot maʼañix i pʼʌtʌlel miʼ yubin.

Ejemplo tac muʼ bʌ i coltañonla:

• Dt. 3:28; 31:7, 8. Jiñi xʼaltʼan Moisés tsiʼ pʼʌtʼesa Josué cheʼ bʌ mi caj i yochel tiʼ qʼuexol, cheʼʌch tsiʼ mele cheʼ bajcheʼ tiʼ sube Jehová.

• Hch 11:22-26; 14:22. Pablo yicʼot Bernabé tsiʼ pʼʌtʼesayob jiñi xñoptʼañob añoʼ bʌ ti Antioquía come woliʼ tajob i tsʼaʼlentel.

Ejemplo tac muʼ bʌ i coltañonla:

• Jue. 11:37-40. Jiñi xchʼocob ti Israel ti jujumpʼejl jab miʼ majlel i qʼuelob jiñi i yixicʼal Jefté come tsiʼ cʌyʌ i yotot chaʼan miʼ majlel i melben i yeʼtel Dios yaʼ ti tabernáculo.

• Ap 2:1-4. Anquese Jesús tsiʼ tiqʼui jiñi xñoptʼañob ti Éfeso, tsaʼʌch i chaʼleyob ti felicitar jaʼel come añʌch chuqui wem bʌ woliʼ melob.

Ejemplo tac muʼ bʌ i coltañonla:

• 1 S. 23:16-18. Jonatán tsaʼ majli i qʼuel David come yujil chaʼan yom miʼ pʼʌtʼesʌntel.

• Jn 16:33. Jesús tsiʼ pʌsbe jiñi xcʌntʼañob i chaʼan chaʼan mucʼʌch caj i mʌjlelob i chaʼan cheʼ bajcheʼ tsaʼ mʌjli i chaʼan jaʼel.

• Hch 28:14-16. Cheʼ bʌ Pablo majlel mucʼ ti Roma chaʼan miʼ yujtel meloñel tiʼ tojlel, jiñi hermanojob tsaʼ majli i tajob yaʼ ti bij, i jiñi tsaʼʌch i wen pʼʌtʼesa.

Ejemplo tac muʼ bʌ i coltañonla:

• Nm. 11:10-15. Jiñi xʼaltʼan Moisés chʼijyem tsiʼ yubi tiʼ caj jiñi tejclum mach yomobic i jacʼtʼan.

• Nm. 13:31, 32; 14:2-6. Jiñi israelitajob tsaʼ cajiyob ti bʌqʼuen yicʼot tsiʼ chañʼesayob i bʌ tiʼ caj tsaʼ bʌ i yʌlʌyob jiñi 10 wiñicob.

Ejemplo tac muʼ bʌ i coltañonla:

• 2 Cr. 20:1-19. Cheʼ bʌ jiñi tejclum Judá tsaʼ cʼoti ti contrajintel, jiñi rey Jehosafat tsiʼ tempa pejtelel jiñi tejclum chaʼan miʼ comol chaʼleñob oración.

• Hch 12:1-5, 12-17. Jiñi hermanojob ti jiñi congregación am bʌ ti Jerusalén tsiʼ tempayob i bʌ chaʼan miʼ chaʼleñob oración cheʼ bʌ tsaʼ tsʌnsʌnti Santiago i tsaʼ otsʌnti ti cárcel Pedro.

Ejemplo tac muʼ bʌ i coltañonla:

• Gn. 39:19-23; 40:1-8. Anquese José tsaʼ toʼol otsʌnti ti cárcel, maʼañic tsiʼ cʌyʌ i ñop Jehová i tsiʼ bej colta yañoʼ bʌ.

• 2 R. 6:15-17. Jiñi xʼaltʼan Eliseo maʼañic tsiʼ chaʼle bʌqʼuen cheʼ bʌ tsaʼ cʼoti i contrajob, i tiʼ sube Jehová ti oración chaʼan miʼ coltan jiñi i yaj eʼtel chaʼan maʼañic miʼ chaʼlen bʌqʼuen jaʼel.

Ejemplo tac muʼ bʌ i coltañonla:

• 1 S. 1:10, 11, 17, 18. Ana wen chʼijyem tsiʼ yubi i bʌ, pero Jehová tsiʼ ñʌchʼtʌbe i yoración i tsiʼ chaʼ aqʼue i tijicñʌyel.

• 1 R. 19:1-19. Cheʼ bʌ jiñi xʼaltʼan Elías maʼañix chuqui yom tsiʼ yubi, Jehová tsiʼ yʌqʼue chuqui miʼ cʼux, chuqui miʼ jap, tsiʼ pʼʌtʼesa yicʼot tsiʼ colta chaʼan miʼ ñaʼtan chuqui tac wem bʌ.

Ejemplo tac muʼ bʌ i coltañonla:

• Job 14:1, 2, 7-9, 13-15. Anquese wen wocol woliʼ ñusan Job, tsiʼ ñopo chaʼan Jehová mi caj i chaʼ cuxtesan, i jiñi tsaʼʌch i colta.

• Dn. 12:13. Cheʼ bʌ Daniel añix cheʼ bʌ 100 i jabilel, juntiquil ángel tiʼ sube chuqui mi caj i taj ti talto bʌ qʼuin, i jiñi tsaʼʌch pʼʌtʼesa.

Ejemplo tac muʼ bʌ i coltañonla:

• 1 S. 30:1-9. Cheʼ bʌ David tsiʼ ñusa tsʌts tac bʌ wocol, tiʼ sʌcla i coltʌntel ti Jehová.

• Lu 22:39-43. Jesús tsiʼ cʼajtibe i coltaya Jehová i tsaʼ chocbenti cʼotel juntiquil ángel chaʼan miʼ pʼʌtʼesan.

Ejemplo tac muʼ bʌ i coltañonla:

• Hch 15:2-4. Jiñi apóstol Pablo yicʼot Bernabé tsiʼ wen pʼʌtʼesayob jiñi congregación tac tsaʼ bʌ i julaʼtayob.

• 3Jn 1-4. Cheʼ bʌ wen ñoxix jiñi apóstol Juan, tsiʼ wen ubi i tijicñʌyel cheʼ tsiʼ yubi chaʼan jiñi lac piʼʌlob tsaʼ bʌ i subeyob wen tʼan bej xucʼulʌch añob.