Ejemplo tac muʼ bʌ i coltañonla:

• 2 S. 11:2-5, 14, 15, 26, 27; 12:1-13. Jiñi rey David tsiʼ chaʼle tsʌts tac bʌ mulil i Jehová tsiʼ yʌqʼue tsʌts tac bʌ ticʼojel, pero tsaʼʌch i chaʼle wersa chaʼan miʼ tojʼesan i melbal.

• Ro 7:15-24. Anquese Pablo tsaʼʌch i wen ñopo Dios yicʼot xucʼul tsaʼ ajñi tiʼ tojlel, tsaʼʌch i chaʼle wersa chaʼan miʼ mʌlben jiñi mach tac bʌ weñic.

Ejemplo tac muʼ bʌ i coltañonla:

• Gn. 3:1-6. Satanás tsiʼ cʼʌñʌ juncojt lucum chaʼan miʼ lotin Eva chaʼan miʼ tech i bajñel ñaʼtan i bʌ i cheʼ bajcheʼ jiñi miʼ cʌy i ñop Jehová.

• Pr. 7:6-10, 21-23. Jiñi rey Salomón tsiʼ yʌlʌ bajcheʼ juntiquil chʼiton wiñic maxto bʌ añic i ñaʼtʌbal tsiʼ yʌcʼʌ i bʌ ti lotintel ti juntiquil xtsʼiʼlel bʌ xʼixic.

Ejemplo tac muʼ bʌ i coltañonla:

• Pr. 5:1-14. Cheʼ bajcheʼ juntiquil tatʌl miʼ yʌqʼuen ticʼojel i yalobil, jiñi rey Salomón tsiʼ yʌcʼʌ wen tac bʌ ticʼojel chaʼan chucoch mach yomic mi lac yajlel ti tsʼiʼlel yicʼot chuqui yom mi lac mel.

• Mt 4:1-11. Jesús tsiʼ cʼʌñʌ jiñi i Tʼan Dios chaʼan maʼañic miʼ yajlel tiʼ yac Satanás, cheʼ bajcheʼ jiñi tsiʼ yʌqʼueyonla wem bʌ ejemplo.

Ejemplo tac muʼ bʌ i coltañonla:

• Éx. 22:1-12. Jiñi Mandar tsaʼ bʌ aqʼuenti Moisés miʼ yʌl chaʼan jiñi xujchʼob añix i ñumelal yom miʼ sutqʼuiñob chuqui tac miʼ xujchʼiñob.

• Lu 19:8, 9. Zaqueo, i yum jiñi xchʼʌm tojoñelob, tsiʼ pʌsʌ chaʼan tsaʼix i chaʼ ñaʼta i bʌ come tsiʼ qʼuexta i melbal yicʼot tsiʼ chaʼ sutqʼui pejtelel chuqui tsiʼ xujchʼi.

Ejemplo tac muʼ bʌ i coltañonla:

• Jos. 7:1-13, 20-26. Acán tsiʼ yʌcʼʌ ti wocol jiñi israelitajob cheʼ bʌ tsiʼ chaʼle tsʌts bʌ mulil i tsiʼ ñopo i muc.

• Jon. 1:1-16. Jonás tsiʼ yʌcʼʌ ti wocol jiñi añoʼ bʌ yicʼot ti barco come tsiʼ ñusʌbe i tʼan Jehová.

• 1Co 5:1-7. Jiñi apóstol Pablo tsiʼ yʌlʌ chaʼan yaʼ ti congregación am bʌ ti Corinto an majqui woliʼ chaʼlen tsʌts bʌ mulil, i jiñi woliʼ ticʼlan jiñi congregación.

Ejemplo tac muʼ bʌ i coltañonla:

• Dt. 13:6-9; 21:18-20. Jiñi Mandar tsaʼ bʌ aqʼuenti Moisés miʼ yʌl chaʼan mi juntiquil israelita miʼ yubin chaʼan an majqui tsiʼ chaʼle tsʌts bʌ mulil yomʌch miʼ sub, mach yʌlʌyic miʼ familia o juntiquil i cʌñʌ bʌ.