Ejemplo tac muʼ bʌ i coltañonla:

• Ec. 12:1-8. Jiñi rey Salomón utsʼatax bajcheʼ tiʼ tsictesa chuqui mi lac chaʼlen cheʼ ñoxoñixla. Tsiʼ yʌlʌ chaʼan maʼañix miʼ cʼotel lac wut yicʼot maʼañix mi lac wen ubin tʼan.

Ejemplo tac muʼ bʌ i coltañonla:

• 1 S. 12:2, 23. Cheʼ bʌ ñoxix jiñi xʼaltʼan Samuel, tsiʼ cʌñʌ chaʼan ñuc i cʼʌjñibal cheʼ miʼ chʌn taj ti oración jiñi i tejclum Jehová.

• 2 S. 19:31-39. Jiñi rey David tsiʼ wen qʼuele ti ñuc i coltaya Barzilái, i cheʼ bʌ David tiʼ sube chaʼan muʼto i mejlel i ñumen chaʼlen coltaya maʼañic tsiʼ jacʼʌ come tsiʼ qʼuele chaʼan mach mejlix tiʼ caj ñoxix.

• Sal. 71:9, 18. Cheʼ bʌ ñoxix David tsaʼ caji i pensarin chaʼan maʼañix i cʼʌjñibal tiʼ tojlel Dios tsiʼ yubi. Jin chaʼan tsiʼ cʼajtibe chaʼan maʼañic miʼ choc i miʼ yʌqʼuen i pʼʌtʌlel chaʼan miʼ cʌntesan jiñi colelto bʌ mucʼob.

• Lu 2:36-38. Jiñi ñoxix bʌ xʼaltʼan Ana tsiʼ taja bendición come xucʼul tsiʼ melbe i yeʼtel Jehová.

Ejemplo tac muʼ bʌ i coltañonla:

• Gn. 12:1-4. Cheʼ bʌ Abrahán añix 75 i jabilel, Jehová tsiʼ yʌqʼue jumpʼejl asignación tsaʼ bʌ i qʼuextʌbe i cuxtʌlel.

• Dn. 10:11, 19; 12:13. Cheʼ bʌ jiñi xʼaltʼan Daniel ñumeñix ti 90 i jabilel, juntiquil ángel tiʼ sube chaʼan Jehová miʼ cʼuxbin yicʼot chaʼan mi caj i yʌqʼuen i chobejtʌbal.

• Lu 1:5-13. Jehová tsiʼ yʌqʼue bendición Zacarías yicʼot Elisabet. Tsaʼ mejli i yʌcʼob ti pañimil juntiquil i yalobil anquese ñoxobix, ili jiñʌch Juan.

• Lu 2:25-35. Cheʼ bʌ ñoxix Simeón, Jehová tsiʼ yʌqʼue i cʌn jiñi muʼ bʌ caj i sujtel ti Mesías, cheʼ jiñi Simeón tsiʼ yʌlʌ jumpʼejl profecía tiʼ tojlel jiñi alʌl.

• Hch 7:23, 30-36. Cheʼ bʌ Moisés añix 80 i jabilel, tsaʼ aqʼuenti tiʼ wenta i qʼuel majlel jiñi tejclum Israel.

 Ejemplo tac muʼ bʌ i coltañonla:

• Gn. 45:9-11; 47:12. José tsiʼ pʌyʌ majlel i papá ti Egipto cheʼ bʌ ñoxix i tsiʼ chʼʌmʌ tiʼ wenta i cʌntan cʼʌlʌl tsaʼ chʌmi.

• Rt. 1:14-17; 2:2, 17, 18, 23. Rut tsiʼ colta Noemí cheʼ bʌ ñoxix, tsiʼ pʌsʌ tiʼ melbal yicʼot tiʼ tʼan.

• Jn 19:26, 27. Cheʼ bʌ Jesús muqʼuix caj i chʌmel, tiʼ sube jiñi apóstol Juan chaʼan miʼ cʌntʌben i mamá.