Ejemplo tac muʼ bʌ i coltañonla:

• Gn. 24:1-4, 7. Cheʼ bʌ Abrahán ñoxix, tsiʼ chaʼle wersa i sʌclʌben Isaac juntiquil i yijñam muʼ bʌ i chʼujutesan Jehová. Mach yomic chaʼan miʼ pʌy juntiquil xʼixic chʼoyol bʌ ti Canaán come miʼ chʼujutesañob yambʌ dios tac.

• Gn. 28:1-4. Isaac tiʼ sube Jacob chaʼan mach yomic miʼ pʌy tiʼ yijñam juntiquil cananea, yom miʼ sʌclan juntiquil muʼ bʌ i chʼujutesan Jehová.

Ejemplo tac muʼ bʌ i coltañonla:

• 1 R. 11:1-6, 9-11. Jehová tsaʼ michʼa yicʼot jiñi rey Salomón come tsiʼ ñusʌbe i tʼan i tsiʼ pʌyʌ tiʼ yijñam xʼixicob chʼoyoloʼ bʌ ti yan tac bʌ tejclum, i tiʼ caj jiñi tsaʼ caji i chʼujutesan yan tac bʌ dios.

• Neh. 13:23-27. Cheʼ bajcheʼ Jehová, jiñi gobernador Nehemías tsaʼ wen michʼa yicʼot jiñi israelitajob tsaʼ bʌ i pʌyʌyob tiʼ yijñam jiñi xʼixicob chʼoyoloʼ bʌ ti jiñi tejclum tac baqui maʼañic miʼ chʼujutesañob Jehová, jin chaʼan tsʌts tsiʼ tiqʼuiyob.

Ejemplo tac muʼ bʌ i coltañonla:

• 1 S. 25:2, 3, 14-17. Anquese Nabal, i ñoxiʼal Abigaíl, cabʌl chuqui an i chaʼan, mach juntiquilic wem bʌ ñoxiʼal come wen jontol miʼ mel i bʌ.

• Pr. 21:9. Cheʼ bʌ maʼañic mi lac yajcan ti wen majqui mi lac ñujpuñel la quicʼot, mi caj lac taj wocol yicʼot mach tijicñayic mi caj la cajñel.

• Ro 7:2. Jiñi apóstol Pablo tiʼ tsictesa chaʼan cheʼ bʌ miʼ ñujpuñel juntiquil xʼixic, yom mi caj i qʼuel ti ñuc i ñoxiʼal anquese xmulil come mi caj i sujtel tiʼ jol. Jin chaʼan, jiñi xʼixic am bʌ i ñaʼtʌbal mi caj i ñaxan wen ñaʼtan majqui mi caj i ñujpuñel yicʼot.

Ejemplo tac muʼ bʌ i coltañonla:

• Pr. 24:27. Mi juntiquil wiñic woliʼ ñaʼtan ñujpuñel yicʼot chaʼan yom i yalobil, yom miʼ pʌs chaʼan yujilʌch eʼtel yicʼot chaʼan mucʼʌch caj i mejlel i mʌcʼlan i familia.

 Ejemplo tac muʼ bʌ i coltañonla:

• Rt. 2:4-7, 10-12. Boaz tsiʼ cʌñʌ bajcheʼ yilal Rut come tsiʼ qʼuele chaʼan wen yujil eʼtel, tsiʼ yubi chuqui miʼ yʌjlel tiʼ tojlel, tsiʼ qʼuele bajcheʼ miʼ ñop Dios yicʼot bajcheʼ yilal tiʼ familia.

• Rt. 2:8, 9, 20. Rut tsiʼ cʌñʌ bajcheʼ yilal Boaz cheʼ bʌ tsiʼ qʼuele chaʼan wen uts, miʼ mulan i coltan yañoʼ bʌ yicʼot miʼ wen cʼuxbin Jehová.

Ejemplo tac muʼ bʌ i coltañonla:

• Pr. 5:18, 19. An chuqui tac jin jach bʌ miʼ mejlel i melob jiñi ñujpuñemoʼ bʌ.

• Cnt. 1:2; 2:6. Jiñi sulamita yicʼot i novio wen jach bajcheʼ tsiʼ pʌsbeyob i bʌ cʼuxbiya cheʼ bʌ i noviojobto i bʌ.

• Cnt. 4:12; 8:8-10. Jiñi sulamita tiʼ pejtelel ora tsiʼ cʌnta i bʌ yicʼot tsiʼ tiqʼui i bʌ. Jiñi Biblia miʼ lajin bajcheʼ pʌcʼʌbʌl joy mʌcʌl bʌ ti tsʼajc o muro.

Ejemplo tac muʼ bʌ i coltañonla:

• Gn. 21:8-12. Jehová tiʼ sube Abrahán chaʼan miʼ jacʼben i tʼan Sara anquese maʼañic miʼ wen mulan chuqui woli bʌ i cʼajtin.

• Pr. 31:10, 11, 16, 28. Juntiquil wem bʌ ñoxiʼal maʼañic mi caj i mʌctan i yijñam tiʼ pejtelel chuqui yom bʌ i mel yicʼot mach muqʼuic jach caj i sʌclʌben i sajtemal. Miʼ ñop chaʼan weñʌch bʌ ijñamʌl i miʼ chaʼlen ti felicitar.

• Ef 5:33. Tsaʼ bʌ i yʌlʌ jiñi apóstol Pablo miʼ pʌs chaʼan jiñi xʼixic i cʼʌjñibal i chaʼan miʼ yubin cheʼ jiñi i ñoxiʼal miʼ pʌsben chaʼan mucʼʌch i cʼuxbin.

Ejemplo tac muʼ bʌ i coltañonla:

• Pr. 1:8; 1Co 7:4. Dios an chuqui tsiʼ yʌqʼue tiʼ wenta jiñi ijñamʌlob yicʼot jiñi ñaʼʌlob ti jiñi i ñujpuñel yicʼot chaʼan bajcheʼ yom miʼ cosañob i yalobilob.

• 1Co 11:3. Jiñi apóstol Pablo tiʼ tsictesa chaʼan añʌch baqui chuculonla ti lac pejtelel, cojach Dios maʼañic baqui chucul.

• Heb 13:7, 17. Ti lac pejtelel yom mi laj coltañob yicʼot mi lac jacʼbeñob i tʼan jiñi waʼchocobiloʼ bʌ ti congregación.

Ejemplo tac muʼ bʌ i coltañonla:

• Gn. 18:12; 1Pe 3:5, 6. Sara tsiʼ wen qʼuele ti ñuc i ñoxiʼal, tsiʼ qʼuele bajcheʼ i yum, i jiñʌch muʼ bʌ i coltan chaʼan lʌcʼʌl miʼ yajñel yicʼot Dios.

Ejemplo tac muʼ bʌ i coltañonla:

• Gn. 24:62-67. Rebeca tsiʼ colta Isaac chaʼan miʼ chaʼ taj i tijicñʌyel cheʼ bʌ tsaʼ chʌmi i mamá.

• 1 S. 25:14-24, 32-38. Abigaíl tsiʼ pʌsʌ i pecʼlel cheʼ bʌ tsaʼ majli i pejcan David chaʼan maʼañic miʼ chaʼlen tsʌnsa tiʼ caj tsaʼ bʌ i mele i ñoxiʼal, juntiquil tonto bʌ wiñic. Cheʼ bajcheʼ jiñi, tsiʼ colta i ñoxiʼal yicʼot pejtelel añoʼ bʌ tiʼ yotot.

• Est. 4:6-17; 5:1-8; 7:1-6; 8:3-6. Anquese jiñi reina Ester miʼ mejlel ti tsʌnsʌntel, chaʼyajl tsajñi baʼan jiñi i ñoxiʼal anquese mach pʌybilic, tsiʼ mele iliyi chaʼan miʼ coltan jiñi i tejclum Dios.