Pusicʼal
¿Bajcheʼ la cujil chaʼan cheʼ bʌ jiñi Biblia miʼ cʼʌn jiñi tʼan pusicʼal jin woliʼ taj ti tʼan chuqui mi lac ñaʼtan, bajcheʼ yilalonla, bajcheʼ yubil mi la cubin lac bʌ yicʼot chuqui miʼ ñijcañonla chaʼan an chuqui tac mi lac mel?
Sal. 49:3; Pr. 16:9; Lu 5:22; Hch 2:26
Qʼuele jaʼel Dt. 15:7; Sal. 19:8.
-
Ejemplo tac muʼ bʌ i coltañonla:
-
Lu 9:46-48. Jesús tsiʼ tiqʼui jiñi i yapóstolob come tsiʼ qʼuele chuqui añob tiʼ pusicʼal, yomob chaʼan miʼ qʼuejlelob ti ñuc.
-
¿Chucoch ñuc i cʼʌjñibal mi laj cʌntan lac pusicʼal?
1 Cr. 28:9; Pr. 4:23; Jer. 17:9
-
Ejemplo tac muʼ bʌ i coltañonla:
-
Gn. 6:5-7. Jiñi Pañimil tsaʼ bujtʼi ti jontolil come jontol jax i pusicʼal jiñi wiñicob xʼixicob, jin chaʼan Dios tsiʼ choco tilel jiñi Diluvio.
-
1 R. 11:1-10. Jiñi rey Salomón maʼañic tsiʼ cʌnta i pusicʼal, jin chaʼan tsaʼ ñujpuñi yicʼot xʼixicob chʼoyoloʼ bʌ ti yan tac bʌ tejclum tsaʼ bʌ i yʌqʼueyob i chʼujutesan mach tac bʌ i sujmic dios.
-
Mr 7:18-23. Jesús tsiʼ yʌlʌ chaʼan ti lac pusicʼal miʼ loqʼuel chuqui tac mach bʌ weñic i miʼ yʌqʼueñonla lac mel mach bʌ añic miʼ mulan Jehová.
-
¿Bajcheʼ miʼ mejlel laj cʌntan lac pusicʼal?
Sal. 19:14; Pr. 3:3-6; Lu 21:34; Flp 4:8
Qʼuele jaʼel Esd. 7:8-10; Sal. 119:11.
-
Ejemplo tac muʼ bʌ i coltañonla:
-
Ef 6:14-18; 1Te 5:8. Jiñi apóstol Pablo tsiʼ yʌlʌ chaʼan jiñi laj cʼuxbiya, lac ñopoñel yicʼot i melol chuqui toj bʌ miʼ cʌntañonla, cheʼ bajcheʼ jiñi i mʌctʌjib lac tajn miʼ cʌntan jiñi mero lac pusicʼal bʌ.
-
¿Bajcheʼ miʼ mejlel lac ñaʼtan mi an chuqui mach bʌ weñic ti lac pusicʼal?
Pr. 21:2-4; Heb 3:12
Qʼuele jaʼel Pr. 6:12-14.
-
Ejemplo tac muʼ bʌ i coltañonla:
-
2 Cr. 25:1, 2, 17-27. Ti ñaxan, jiñi rey Amasías tsiʼ mele chuqui wem bʌ tiʼ wut Jehová, pero mach ti jumpʼejlic i pusicʼal. Ti wiʼil, tsiʼ chañʼesa i bʌ, tsiʼ ñusʌbe i tʼan Jehová i tsiʼ taja wocol.
-
Mt 7:17-20. Jesús tsiʼ yʌlʌ chaʼan juntejc teʼ mach bʌ weñic, mach weñic mi caj i yʌcʼ i wut. Cheʼʌch jaʼel jiñi lac pusicʼal. Mi mach weñic bajcheʼ an, mi caj lac mel mach bʌ weñic.
-
¿Chucoch yomʌch mi lac chaʼlen wersa chaʼan weñʌch miʼ yajñel jiñi lac pusicʼal, i bajcheʼ miʼ mejlel lac mel?
Pr. 10:8; 15:28; Lu 6:45
Qʼuele jaʼel Sal. 119:97, 104; Ro 12:9-16; 1Ti 1:5.
-
Ejemplo tac muʼ bʌ i coltañonla:
-
2 R. 20:1-6. Jiñi rey Ezequías tiʼ jumpʼejl i pusicʼal tsiʼ melbe i yeʼtel Jehová, jin chaʼan tsiʼ cʼajtibe i coltaya cheʼ bʌ colelix i chʌmel tiʼ caj tsaʼ cʼamʼa.
-
Mt 21:28-32. Jesús tsiʼ cʼʌñʌ jumpʼejl ejemplo chaʼan miʼ tsictesan chaʼan muʼ bʌ i mel juntiquil lac piʼʌl miʼ yʌcʼ ti cʌjñel chuqui an tiʼ pusicʼal i mach jin jach mi laj cʌn ti chuqui miʼ yʌl.
-
¿Chucoch miʼ yʌqʼueñonla lac tijicñʌyel cheʼ la cujil chaʼan Jehová miʼ qʼuel chuqui an ti lac pusicʼal?
1 Cr. 28:9; Jer. 17:10
Qʼuele jaʼel 1 S. 2:3.
-
Ejemplo tac muʼ bʌ i coltañonla:
-
1 S. 16:1-13. Jiñi xʼaltʼan Samuel tsiʼ cʌñʌ chaʼan Jehová mach jiñic miʼ qʼuel bajcheʼ yilal ñiʼ lac wut, jiñʌch miʼ qʼuel chuqui an ti lac pusicʼal.
-
2 Cr. 6:28-31. Tsaʼ bʌ i yʌlʌ tiʼ yoración jiñi rey Salomón cheʼ bʌ tsaʼ mejli i qʼuiñilel jiñi templo, miʼ pʌs chaʼan Jehová yujil chuqui an ti lac pusicʼal i miʼ qʼuel bajcheʼ miʼ coltañonla.
-
Miʼ mejlel a qʼuel jaʼel iliyi
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
