Ejemplo tac muʼ bʌ i coltañonla:

• Lu 4:42-44. Jesús tsiʼ yʌlʌ chaʼan Dios tsiʼ choco tilel chaʼan miʼ chaʼlen subtʼan.

• Jn 4:31-34. Jesús tsiʼ yʌlʌ chaʼan jiñi subtʼan lajalʌch bajcheʼ i bʌl i ñʌcʼ.

Ejemplo tac muʼ bʌ i coltañonla:

• 2 R. 5:1-4, 13, 14, 17. Juntiquil xchʼoc israelita bʌ tiʼ sube i yijñam Naamán chaʼan Eliseo, juntiquil xʼaltʼan i chaʼan Jehová, miʼ mejlel i coltʌben i ñoxiʼal.

• Mt 21:15, 16. Cheʼ bʌ chaʼtiqui uxtiquil alʌ chʼitoñob tsaʼ caji i yʌqʼueñob i ñuclel Jesús yaʼ ti templo, jiñi ñuc bʌ sacerdotejob yicʼot jiñi xtsʼijbayajob tsaʼ michʼayob, pero Jesús tiʼ subeyob chaʼan mach cheʼic yom miʼ melob bajcheʼ jiñi.

 Ejemplo tac muʼ bʌ i coltañonla:

• Hch 16:12, 22-24; 1Te 2:1, 2. Anquese añob i contrajintel, jiñi apóstol Pablo yicʼot i piʼʌlob tsiʼ bej pʌsʌyob i chʼejlel ti subtʼan come Dios tsiʼ coltayob.

• 2Co 12:7-9. Jiñi apóstol Pablo tsiʼ yʌlʌ chaʼan an tiʼ bʌcʼtal «lajal bʌ bajcheʼ chʼix», tajol jumpʼejl cʼamʌjel, pero maʼañic tsaʼ lujbʼa ti subtʼan come Jehová tsiʼ yʌqʼue i pʼʌtʌlel.

Ejemplo tac muʼ bʌ i coltañonla:

• Jn 7:15. Jiñi judíojob toj sajtelob i pusicʼal cheʼ bʌ tsiʼ qʼueleyob chaʼan Jesús cabʌl chuqui yujil anquese maʼañic tsajñi ti escuela tac chaʼan bʌ ñopbalʌl.

• Hch 4:13. Jiñi apóstolob tsiʼ pʌsʌyob i chʼejlel yicʼot i tijicñʌyel ti subtʼan anquese tsaʼ qʼuejliyob chaʼan cheʼob jach bajcheʼ yambʌ lac piʼʌlob yicʼot maʼañic tsiʼ wen chaʼleyob qʼueljun.

Ejemplo tac muʼ bʌ i coltañonla:

• Is. 50:4, 5. Jehová tsiʼ ñaxan cʌntesa Jesús cheʼ bʌ muʼto caj i choc tilel ila ti Lum.

• Mt 10:5-7. Cheʼ bʌ Jesús wʌʼan ti Lum, tsiʼ cʌntesa jiñi xcʌntʼañob i chaʼan chaʼan miʼ chaʼleñob subtʼan.

 Ejemplo tac muʼ bʌ i coltañonla:

• Mr 12:18-27. Jiñi saduceojob maʼañic miʼ ñopob chaʼan mi caj i chaʼ chʼojyelob chʌmeñoʼ bʌ, jin chaʼan Jesús tsiʼ cʼʌñʌ jiñi Tsʼijbujel chaʼan miʼ pʌsbeñob chaʼan mach weñic bajcheʼ miʼ ñaʼtañob.

• Hch 17:16, 17, 29, 30. Jiñi apóstol Pablo tsiʼ pʌsbe jiñi añoʼ bʌ ti Atenas chaʼan mach weñic cheʼ miʼ chʼujutesʌntel melbil tac jach bʌ dios.

Ejemplo tac muʼ bʌ i coltañonla:

• Jn 4:6, 7, 13, 14. Anquese Jesús wen lujbix, tiʼ sube wen tʼan juntiquil samaritana tsaʼ bʌ cʼoti i locʼsan jaʼ ti pozo.

• Flp 1:12-14. Anquese jiñi apóstol Pablo ñupʼul tiʼ yotot, tsaʼʌch i chaʼle subtʼan yicʼot tsiʼ pʼʌtʼesa yañoʼ bʌ jajayajl tsaʼ mejli.

Ejemplo tac muʼ bʌ i coltañonla:

• Jer. 7:23-26. Jehová tsiʼ cʼʌñʌ jiñi xʼaltʼan Jeremías chaʼan miʼ tsictesan chaʼan jiñi i tejclum maʼañic tsiʼ wis jacʼbeyob i tʼan jiñi xʼaltʼañob.

• Mt 13:10-16. Jesús tsiʼ yʌlʌ chaʼan cabʌl lac piʼʌlob mi caj i yubiñob jiñi wen tʼan pero maʼañic mi caj i jacʼob, cheʼ bajcheʼ tsaʼ ujti tiʼ yorajlel Isaías.