Ejemplo tac muʼ bʌ i coltañonla:

• Gn. 33:4, 5. Jacob tsiʼ qʼuele jiñi i yalobilob bajcheʼ jumpʼejl majtañʌl tilem bʌ ti Jehová.

• Éx. 1:15, 16, 22; 2:1-4; 6:20. Amram yicʼot Jokébed, i papá i mamá Moisés, maʼañic tsiʼ bʌcʼñayob miʼ tsʌnsʌntelob cheʼ bʌ tsiʼ mucuyob jiñi i yalobil.

 Ejemplo tac muʼ bʌ i coltañonla:

• 1 S. 1:1-4. Elcaná miʼ pʌy majlel jiñi i familia ti jiñi qʼuiñijel tac muʼ bʌ i mejlel ti Siló i miʼ qʼuel chaʼan jiñi i yalobilob yaʼʌch añob ti chʼujutesaya jaʼel.

• Lu 2:39, 41. José yicʼot María ñʌmʌl i pʌyob majlel i yalobilob ti jiñi qʼuiñijel chaʼan Pascua muʼ bʌ i mejlel ti Jerusalén anquese ñajt miʼ xʌñob come chumulob ti Nazaret.

Ejemplo tac muʼ bʌ i coltañonla:

• 1 S. 2:18-21, 26; 3:19. Ana yicʼot Elcaná tsiʼ yʌcʼʌyob Samuel chaʼan miʼ melben i yeʼtel Jehová yaʼ ti tabernáculo, pero tsajñʌch i chʌcʌ qʼuelob yicʼot tsiʼ yʌqʼueyob chuqui i cʼʌjñibal i chaʼan. Samuel tsiʼ wen cʼuxbi Jehová yicʼot xucʼul tsaʼ ajñi.

• Lu 2:51, 52. Jesús tsiʼ chʌn jacʼbe i tʼan i tat i ñaʼ anquese xmulilob.

Ejemplo tac muʼ bʌ i coltañonla:

• Jue. 13:2-8. Cheʼ bʌ juntiquil ángel tiʼ sube Manóah yicʼot i yijñam chaʼan Jehová mi caj i yʌqʼueñob juntiquil i yalobil, Manóah tsiʼ cʼajtibe Jehová chaʼan miʼ coltan i ñaʼtan bajcheʼ yom miʼ cosañob jiñi i yalobil.

• Sal. 78:3-8. Jehová yom chaʼan jiñi tatʌlob miʼ pʌsbeñob i yalobil chuqui cʌmbilob i chaʼan ti Biblia.

Ejemplo tac muʼ bʌ i coltañonla:

• Gn. 6:1-5; Jud 6. Cabʌl ángel tsiʼ chañʼesayob i bʌ ti Jehová anquese cabʌl jab tsaʼ chumleyob yicʼot yaʼ ti panchan.

• 1 S. 8:1-3. Anquese Samuel juntiquilʌch xucʼul bʌ yicʼot toj bʌ xʼaltʼan, jiñi i yalobilob tsiʼ meleyob mach bʌ weñic.

Ejemplo tac muʼ bʌ i coltañonla:

• Dt. 29:10-12, 29; 31:12, 13; Esd. 10:1. Cʼʌlʌl ti wajali, jiñi tatʌlob miʼ pʌyob majlel i yalobil cheʼ bʌ miʼ tempañob i bʌ chaʼan miʼ chʼujutesañob Jehová, i cheʼ bajcheʼ jiñi miʼ cʌñob jaʼel.

• Lu 2:41-52. Cheʼ bʌ José yicʼot María miʼ majlelob ti jiñi Pascua muʼ bʌ i mejlel yaʼ ti templo am bʌ ti Jerusalén, ñʌmʌl i pʌyob majlel Jesús yicʼot jiñi yambʌ i yalobilob.

Ejemplo tac muʼ bʌ i coltañonla:

• Sal. 32:1-5. Jehová tsaʼʌch i yʌqʼue i toj i mul David, pero David tijicña tsiʼ yubi cheʼ yujil chaʼan Jehová mucʼʌch i ñusʌben i mul jiñi muʼ bʌ i chaʼ ñaʼtañob i bʌ tiʼ sujm.

• Jon. 4:1-11. Anquese jiñi xʼaltʼan Jonás tsaʼ wen michʼa yicʼot Jehová i mach utsʼatix bajcheʼ tsiʼ chaʼle tʼan, Jehová maʼañic tsaʼ michʼa i tsiʼ pʌsbe chucoch yom miʼ pʼuntan yañoʼ bʌ.