Mi lac tojʼesan lac wocol la quicʼot yañoʼ bʌ
¿Chucoch mach yomic mi lac michʼan mi yomicto mi laj qʼuextan cheʼ bʌ mi lac melbentel o mi lac subentel mach bʌ weñic?
Pr. 20:22; 24:29; Ro 12:17, 18; Snt 1:19, 20; 1Pe 3:8, 9
Ejemplo tac muʼ bʌ i coltañonla:
1 S. 25:9-13, 23-35. Cheʼ bʌ Nabal tsiʼ pʼaja David yicʼot i wiñicob yicʼot maʼañic tsiʼ jacʼʌ i coltañob, David ti ora tsiʼ ñaʼta majlel i tsʌnsan Nabal yicʼot pejtelel jiñi wiñicob añoʼ bʌ tiʼ yotot. Pero maʼañic tsiʼ mele come Abigaíl tsajñi i suben chaʼan maʼañic miʼ chaʼlen tsʌnsa.
Pr. 24:17-20. Jiñi rey Salomón tiʼ tsʼijbu chaʼan Jehová maʼañic miʼ mulan cheʼ tijicña mi la cubin tiʼ caj chuqui miʼ chaʼlen jiñi laj contrajob. Mi laj cʌyben tiʼ wenta Jehová chuqui tac mi lac tumbentel.
Mi an lac wocol la quicʼot juntiquil lac piʼʌl, ¿yom ba mi laj cʌy lac pejcan o mi lac michʼlen ti lac pusicʼal?
Lv. 19:17, 18; 1Co 13:4, 5; Ef 4:26
Ejemplo tac muʼ bʌ i coltañonla:
Mt 5:23, 24. Jesús tsiʼ yʌlʌ chaʼan mi an juntiquil la quermañu am bʌ i wocol yicʼotonla, yom mi lac sʌclan bajcheʼ miʼ mejlel lac tojʼesan jiñi wocol.
¿Chuqui ñumen wem bʌ miʼ mejlel lac mel cheʼ bʌ an majqui miʼ melbeñonla mach bʌ weñic?
Mi an majqui miʼ chʌn melbeñonla mach bʌ weñic pero mucʼʌch i chaʼ ñaʼtan i bʌ tiʼ sujm, ¿chucoch yomʌch mi lac bej ñusʌben?
Mi juntiquil hermano an chuqui tsʌts bʌ miʼ mel ti lac tojlel i maʼañic miʼ mejlel lac ñusan, tajol miʼ chaʼlen jopʼtʼan o miʼ xujchʼiñonla, ¿majqui jiñi yom bʌ miʼ majlel i pejcan, i chucoch?
Mi tsaʼix lac chaʼle tʼan la quicʼot jiñi tsaʼ bʌ i chaʼle jopʼtʼan o tsaʼ bʌ i xujchʼiyonla, pero mach yomic i chaʼ ñaʼtan i bʌ, ¿chuqui yom mi lac mel?
Miʼ mejlel a qʼuel jaʼel iliyi
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.
