¿Bajcheʼ miʼ mejlel a locʼsʌben i wenlel ili estudio loqʼuem bʌ ti Biblia?
Cheʼ bʌ muʼto caj a tech ili estudio, pejcan pejtelel iliyi. Cheʼ jiñi qʼuele jiñi VIDEO.
ÑAXAM BɅ PARTE
Ti jujumpʼejl estudio, ñaxan bajñel pejcan jiñi ñaxam bʌ parte chaʼan jujumpʼejl cʌntesʌntel. Jiñi cʼajtiya tac am bʌ i númerojlel (A) yicʼot jiñi texto tac bombil bʌ ti iʼicʼ (B) miʼ taj ti tʼan jiñi ñuc tac bʌ i cʼʌjñibal. Cheʼ jaʼel, an texto tac muʼ bʌ i yʌl «Pejcan».
I CHAʼPʼEJLEL PARTE
Jiñi ñaxam bʌ párrafo muʼ bʌ i tilel baqui miʼ yʌl «Laʼ lac ñumen ñaʼtan» miʼ tsictesan muʼ bʌ caj laj qʼuel ti ili cʌntesʌntel (C). Jiñi subtítulo tac am bʌ i númerojlel miʼ pʌs baqui bʌ jiñi ñuc tac bʌ i cʼʌjñibal (D). Pejcan jiñi texto tac, jacʼʌ jiñi cʼajtiya tac yicʼot qʼuele jiñi video tac a wicʼot jiñi woli bʌ i yʌqʼueñet estudio.
VIDEO TAC. Ti ili recuadro mi caj a taj jiñi video tac muʼ bʌ i tilel ti jujumpʼejl cʌntesʌntel. An video tac tsaʼʌch bʌ ñoj ujti, i an yambʌ video tac mach bʌ tsaʼic ñoj ujti pero jiñi muʼ bʌ i pʌs jiñʌch muʼ bʌ i mejlel ti ujtel ili ora.
Qʼuele jiñi dibujo tac yicʼot pejcan muʼ bʌ i tsictesan yaʼi (E), i ñaʼtan bajcheʼ miʼ mejlel a jacʼ baqui miʼ yʌl «An muʼ bʌ i yʌlob» (F).
I YUXPʼEJLEL PARTE
Jujumpʼejl cʌntesʌntel miʼ yujtel yicʼot jiñi «Tsaʼ bʌ laj cʌñʌ» yicʼot «¿Chuqui tsaʼ cʌñʌ?» (G). Cheʼ bʌ miʼ yujtel a qʼuel jujumpʼejl cʌntesʌntel tsʼijbun chuqui ti qʼuin tsaʼ wujtesa. Ti jiñi recuadro «Mele iliyi» mi caj a subentel chuqui miʼ mejlel a mel chaʼan maʼ ñumen cʌn majlel (H). Yaʼ baqui miʼ yʌl «Cʌñʌ yan tac bʌ» mi caj a taj yan tac bʌ tema yicʼot video muʼ bʌ mejlel a qʼuel (I).
Muʼ bʌ i chʼʌm tilel
|
Parte 1— página 4 
|
Parte 2— página 54 
|
Parte 3— página 142 
|
Parte 4— página 200 
|
Nota tac— página 255 |
¿Bajcheʼ miʼ mejlel a taj jumpʼejl texto yaʼ ti Biblia?
Jiñi Biblia miʼ chʼʌm tilel 66 libro. Tʼoxbil ti chaʼpʼejl parte: Jiñi Tsʼijbujel Hebreo yicʼot jiñi Tsʼijbujel Griego. An muʼ bʌ i subeñob bajcheʼ jiñi Antiguo Testamento yicʼot Nuevo Testamento.
Ti jiñi texto tac muʼ bʌ i chʼʌm tilel ili jun, ñaxan miʼ tilel i cʼabaʼ jiñi libro (A), cheʼ jiñi miʼ tilel i númerojlel jiñi capítulo (B) i ti wiʼil miʼ tilel i númerojlel jiñi versículo o versículo tac (C).
Jumpʼejl ejemplo, Juan 17:3 yom i yʌl «jiñi libro i chaʼan Juan, capítulo 17, versículo 3».
Miʼ mejlel a qʼuel jaʼel iliyi
CʼAJTIYA TAC MUʼ BɅ I ÑUMEN MEJLEL
¿Bajcheʼ yilal jiñi estudio loqʼuem bʌ ti Biblia muʼ bʌ i yʌcʼob jiñi i testigojob Jehová?
Ti jiñi estudio muʼ bʌ i yʌcʼob jiñi i testigojob Jehová maʼ mejlel a cʼʌn baqui jach bʌ Biblia. Miʼ mejlel a pʌy pejtelel a familia o jiñi a wamigojob.
