CɅNTESɅNTEL 04
¿Majqui jiñi Dios?
Cʼʌlʌl ti wajali jiñi lac piʼʌlob an i chʼujutesayob cabʌl dios tac. Pero jiñi Biblia miʼ yʌl chaʼan an juntiquil Dios ñumen ñuc bʌ bajcheʼ jiñi yambʌ diosob (2 Crónicas 2:5). ¿Majqui jiñi Dios? ¿I chucoch ñumen ñuc bajcheʼ yambʌ diosob? Ti ili cʌntesʌntel mi caj a qʼuel chuqui yom Dios chaʼan miʼ cʼotel a cʌn tiʼ tojlel.
1. ¿Chuqui i cʼabaʼ Dios, i bajcheʼ la cujil chaʼan yom mi laj cʌmben i cʼabaʼ?
Yaʼ ti Biblia Dios miʼ subeñonla chuqui i cʼabaʼ: «Joñon Jehová. Jiñʌch j cʼabaʼ» (pejcan Isaías 42:5; 42:8, TNM). Jiñi i cʼabaʼ Dios ti hebreo miʼ chaʼlentel ti traducir bajcheʼ Jehová, i jiñi wen yujiloʼ bʌ miʼ yʌlob chaʼan, ili yom i yʌl, «jiñʌch miʼ mel chaʼan cheʼʌch miʼ sujtel». Jehová yom chaʼan mi laj cʌmben i cʼabaʼ (Éxodo 3:15, TNM). ¿Bajcheʼ la cujil? Come tsiʼ yʌcʼʌ chaʼan yaʼ ti Biblia ñumen ti 7 mil miʼ tsʼijbuntel i cʼabaʼ. a Jehová jiñʌch i cʼabaʼ jiñi i sujm bʌ Dios yaʼ ti panchan yicʼot ila ti Pañimil (Deuteronomio 4:39).
2. ¿Chuqui miʼ subeñonla jiñi Biblia tiʼ tojlel Jehová?
Jiñi Biblia miʼ yʌl chaʼan anquese an cabʌl dios juntiquil jach jiñi i sujm bʌ, jiñʌch Jehová. ¿Chucoch? Come jiñʌch jiñi Cʼax ñuc bʌ tiʼ pejtelel Pañimil (pejcan Salmo 83:18, TNM). Jiñʌch «jiñi Mach bʌ añic i pʼisol i pʼʌtʌlel», ili yom i yʌl, chaʼan an i pʼʌtʌlel chaʼan miʼ mel pejtelel chuqui yom. Cheʼ jaʼel, jiñʌch tsaʼ bʌ i mele (pʌtʌ) pejtelel chuqui an ti panchan yicʼot ila ti Lum (Apocalipsis 4:8, 11). Cheʼ jaʼel, Jehová an jach cʼʌlʌl ti wajali i maʼañic i jilibal (Salmo 90:2).
LAʼ LAC ÑUMEN ÑAʼTAN
Laʼ laj qʼuel chaʼan anquese an cabʌl bajcheʼ miʼ subentel Dios añʌch jumpʼejl i cʼabaʼ. Cheʼ jaʼel, mi caj laj qʼuel bajcheʼ miʼ coltañonla Dios chaʼan mi laj cʌmben i cʼabaʼ yicʼot chucoch yom chaʼan mi laj cʌn.
3. Dios an cabʌl bajcheʼ miʼ subentel, pero an jach jumpʼejl i cʼabaʼ
Juntiquil lac piʼʌl an cabʌl bajcheʼ miʼ subentel pero an jach jumpʼejl i cʼabaʼ, cheʼʌch tiʼ tojlel Dios jaʼel. Qʼuelela jiñi VIDEO i tem alʌla iliyi:
-
Anquese Dios an cabʌl bajcheʼ miʼ subentel, bajcheʼ lac Yum, ¿chucoch ñumen weñʌch cheʼ an jumpʼejl i cʼabaʼ?
Jiñi Biblia miʼ yʌl chaʼan miʼ chʼujutesʌntel cabʌl diosob. Pejcanla Salmo 136:1-3 i tem alʌla iliyi:
-
¿Majqui jiñi «cojach bʌ Dios» yicʼot «i Yum jini yumʌlob»?
4. Jehová yom chaʼan maʼ cʌmben i cʼabaʼ yicʼot maʼ cʼʌn
¿Bajcheʼ la cujil chaʼan Jehová yom chaʼan maʼ cʌmben i cʼabaʼ? Qʼuelela jiñi VIDEO i tem alʌla iliyi:
-
¿Chucoch yom Jehová maʼ wʌl chaʼan miʼ cʌmbentel i cʼabaʼ?
Jehová yom chaʼan mi laj cʼʌmben i cʼabaʼ. Pejcanla Romanos 10:13 i tem alʌla iliyi:
-
¿Chucoch ñucʌch i cʼʌjñibal cheʼ mi laj cʼʌmben i cʼabaʼ Dios, Jehová?
-
¿Bajcheʼ yubil maʼ wubin a bʌ cheʼ an majqui miʼ pejcañet ti a cʼabaʼ?
-
¿Bajcheʼ yubil miʼ yubin i bʌ Jehová maʼ wʌl cheʼ maʼ cʼʌmben i cʼabaʼ?
5. Jehová yom chaʼan maʼ sujtel tiʼ yamigo
Soten, juntiquil xʼixic chʼoyol bʌ ti Camboya, tsiʼ yʌlʌ chaʼan cheʼ bʌ mi laj cʌmben i cʼabaʼ Dios jiñʌch ñumen wem bʌ miʼ mejlel ti ujtel ti lac tojlel. Qʼuelela jiñi VIDEO i tem alʌla iliyi:
-
Cheʼ bajcheʼ tsaʼ laj qʼuele ti video, ¿bajcheʼ tsiʼ colta Soten cheʼ bʌ tsiʼ cʌmbe i cʼabaʼ Dios?
Lʌcʼʌ tiʼ pejtelel ora, mi la com sujtel tiʼ yamigo juntiquil lac piʼʌl ñaxan yom mi laj cʌmben i cʼabaʼ. Pejcanla Santiago 4:8a i tem alʌla iliyi:
-
¿Chuqui yom Jehová chaʼan maʼ mel?
-
¿Mejl ba i coltañet a lʌcʼtesan a bʌ ti Dios cheʼ maʼ cʌmben i cʼabaʼ yicʼot maʼ cʼʌn? ¿Chucoch?
AN MUʼ BɅ I YɅLOB: «Come juntiquil jach Dios, mach yʌlʌyic bajcheʼ mi lac suben».
-
¿Muʼ baʼ ñop chaʼan i cʼabaʼ Dios jiñʌch Jehová?
-
¿Bajcheʼ miʼ mejlel a tsictesʌbeñob jiñi yambʌlob chaʼan Dios yom chaʼan mi laj cʼʌmben i cʼabaʼ?
TSAʼ BɅ LAJ CɅÑɅ
Jehová jiñʌch i cʼabaʼ jiñi i sujm bʌ Dios. Dios yom chaʼan mi laj cʌmben i cʼabaʼ, i yom chaʼan mi laj cʼʌn chaʼan mi lac mejlel ti sujtel tiʼ yamigo.
¿Chuqui tsaʼ cʌñʌ?
-
¿Chucoch mach lajalic Jehová bajcheʼ jiñi yan tac bʌ dios?
-
¿Chucoch yom mi laj cʼʌmben i cʼabaʼ Dios?
-
¿Yom ba Jehová chaʼan maʼ sujtel tiʼ yamigo? ¿Bajcheʼ a wujil?
CɅÑɅ YAN TAC BɅ
Qʼuele joʼchajp muʼ bʌ i pʌs chaʼan añʌch Dios.
Qʼuele chucoch miʼ mejlel la cʌl chaʼan cʼʌlʌl ti wajali añʌch Dios.
«¿Majqui tsiʼ mele Dios?» (Lac Tsictesʌbentel, 1 i chaʼan agosto, 2014)
Qʼuele chucoch yomʌch mi laj cʼʌmben i cʼabaʼ Dios anquese mach la cujilic bajcheʼ miʼ yʌjlel ti wajali ti jiñi tʼan hebreo.
¿Ñuc ba i cʼʌjñibal bajcheʼ mi lac suben Dios? Qʼuele chucoch mi lon cʌl chaʼan Dios an jumpʼejl i cʼabaʼ.
a Chaʼan maʼ ñumen ñaʼtan chuqui yom i yʌl i cʼabaʼ Dios i chucoch tsaʼix locʼsʌnti ti cabʌl Biblia qʼuele jiñi apéndice A4 yaʼ ti La Biblia. Traducción del Nuevo Mundo (ti español).