Ti lac pejtelel la com chaʼan jiñi la camigojob miʼ melob chuqui utsʼat, i jiñʌch muʼ bʌ i pijtan Jehová jaʼel tiʼ tojlel i yamigojob. Pero wocolʌch chaʼan mi lac mel chuqui utsʼat come cabʌlob miʼ lotiñob yambʌlob. ¿Am ba i wenlel cheʼ bʌ mi lac mel chuqui tac utsʼat tiʼ pejtelel chuqui mi lac mel? ¿Baqui tac bʌ?

1. ¿Chucoch wen ñuc i cʼʌjñibal cheʼ mi lac mel chuqui utsʼat?

Cheʼ bʌ mi lac mel chuqui utsʼat tiʼ tojlel yambʌlob mi lac pʌsben Jehová chaʼan mi laj cʼuxbin yicʼot chaʼan mi laj qʼuel ti ñuc. Cʼajtesan chaʼan Jehová yujil pejtelel chuqui mi lac ñaʼtan yicʼot chuqui mi lac mel (Hebreos 4:13). Cheʼ bʌ mi lac mel chuqui utsʼat Jehová miʼ qʼuel yicʼot miʼ wen qʼuel ti ñuc. Jiñi Biblia miʼ yʌl: «Jehová miʼ tsʼaʼlen jiñi jontoloʼ bʌ, pero wem bʌ i yamigojob jiñi tojoʼ bʌ» (Proverbios 3:32, TNM).

2. ¿Baqui yom mi lac mel chuqui utsʼat?

Chaʼan mi lac mel chuqui yom Jehová yom mi lac pejcan lac bʌ tiʼ sujm yicʼot yambʌlob (Zacarías 8:16, 17). ¿Chuqui yom i yʌl jiñi? Chaʼan maʼañic mi lac lotin jiñi lac familiajob, jiñi lac piʼʌlob ti eʼtel (troñel), jiñi hermanojob añoʼ bʌ ti congregación mi jiñicto jiñi xʼeʼtelob. Jiñi muʼ bʌ i melob chuqui utsʼat maʼañic miʼ chaʼleñob xujchʼ mi muqʼuicto i chaʼleñob lot (pejcan Proverbios 24:28 yicʼot Efesios 4:28). Cheʼ jaʼel, mi la cʌcʼ jiñi tojoñel muʼ bʌ i cʼajtin jiñi yumʌlob (Romanos 13:5-7). Tiʼ pejtelel iliyi yicʼot ti yan tac bʌ la com lac mel chuqui utsʼat (Hebreos 13:18).

3. ¿Chuqui ti wenlel mi lac taj cheʼ mi lac mel chuqui utsʼat?

Cheʼ bʌ cʌmbilonla chaʼan mi lac mel chuqui utsʼat mi laj qʼuejlel ti wen. Mi la cʌcʼ laj coltaya chaʼan jiñi hermanojob cʌntʌbil miʼ yubiñob i bʌ yaʼ ti congregación yicʼot chaʼan miʼ yubiñob chaʼan añob ti jumpʼejl familia. Cheʼ jaʼel, miʼ coltañonla chaʼan tijicña miʼ yajñel laj conciencia. Cheʼ bʌ mi lac mel chuqui utsʼat mi lac chʼʌlben «i cʌntesa tac jiñi la caj Coltaya, Dios», i miʼ mejlel laj coltan yañoʼ bʌ chaʼan yomob i cʌn Jehová (Tito 2:10).

 LAʼ LAC ÑUMEN ÑAʼTAN

5. Laʼ lac mel chuqui utsʼat tiʼ pejtelel ora

 6. Mi lac taj lac wenlel cheʼ bʌ mi lac mel chuqui utsʼat

An i tajol cheʼ bʌ mi lac mel chuqui utsʼat miʼ tilel wocol ti lac tojlel, pero jiñʌch ñumen wem bʌ yom mi lac mel. Pejcanla Salmo 34:12-16 i tem alʌla iliyi:

• ¿Bajcheʼ miʼ mejlel i weñʼesan laj cuxtʌlel cheʼ mi lac mel chuqui utsʼat?

1. Cheʼ bʌ jiñi wiñic yicʼot i yijñam miʼ melbeñob i bʌ chuqui utsʼat miʼ pʼʌtʼañob jiñi i ñujpuñel.

2. Cheʼ bʌ jiñi xʼeʼtelob miʼ melob chuqui utsʼat, wen miʼ qʼuejlelob tiʼ yumob ti eʼtel.

3. Cheʼ bʌ mi lac mel chuqui utsʼat, wen mi laj qʼuejlel ti jiñi xʼeʼtelob.

 TSAʼ BɅ LAJ CɅÑɅ

Jehová yom chaʼan jiñi i yamigojob miʼ melob chuqui utsʼat tiʼ pejtelel chuqui miʼ melob yicʼot miʼ yʌlob.

¿Chuqui tsaʼ cʌñʌ?

• ¿Baqui yom mi lac mel chuqui utsʼat?

• ¿Chucoch maʼañic chuqui miʼ mejlel lac mucben Jehová?

• ¿Chucoch yomʌch maʼ mel chuqui utsʼat tiʼ pejtelel ora?