Ti ili estudio cabʌlix chuqui an a cʌñʌ tilel tiʼ tojlel Jehová. Jin chaʼan, añix cʼoti a wen cʼuxbin i tajol tsaʼix a wʌcʼʌ a bʌ tiʼ tojlel yicʼot tsaʼix a chʼʌmʌ jaʼ. Mi maxto a mele, tajol wolix (choncolix) a ñaʼtan chaʼan a womʌch a mel. Pero cheʼ bʌ tsaʼix a chʼʌmʌ jaʼ yomʌch maʼ bej colel majlel tiʼ chaʼan bʌ Dios. Miʼ mejlel a bej pʼʌtʼesan bajcheʼ an a wicʼot Jehová tiʼ pejtelel ora. Laʼ laj qʼuel bajcheʼ.

1. ¿Chucoch yomʌch maʼ bej pʼʌtʼesan bajcheʼ añet a wicʼot Jehová?

Yom mi lac chaʼlen wersa chaʼan mi lac bej pʼʌtʼesan bajcheʼ añonla la quicʼot Jehová. ¿Chucoch? «Chaʼan maʼañic mi laj cʌy jiñi lac ñopoñel» i mi lac ñajtʼesan lac bʌ tiʼ tojlel (Hebreos 2:1). ¿Chuqui mi caj i coltañonla chaʼan mi lac bej melben i yeʼtel (troñel) Jehová ti lac xucʼtʌlel? Jiñʌch cheʼ mi lac wen chaʼlen subtʼan yicʼot cheʼ mi laj qʼuel chuqui yan tac bʌ miʼ mejlel lac mel tiʼ tojlel Dios (pejcan Filipenses 3:16). ¡Maʼañic yambʌ ñumen wem bʌ, jin jach cheʼ mi lac melben i yeʼtel Jehová! (Salmo 84:10).

2. ¿Chuqui yom maʼ bej mel?

Anquese muqʼuix caj a cʌy a chʼʌm estudio, jiñi a cuxtʌlel bajcheʼ juntiquil xñoptʼan woli (yʌquel) jaxto i tejchel. Jiñi Biblia miʼ yʌl chaʼan juntiquil xñoptʼan yom miʼ pʌs jiñi tsijiʼ bʌ i melbal (chaʼlibal) (Efesios 4:23, 24). Mi mucʼʌch a bej pejcan jiñi Biblia yicʼot maʼ majlel ti tempa bʌ tac, cabʌl chuqui mi caj a cʌn tiʼ tojlel Jehová yicʼot chaʼan bajcheʼ yilal i melbal tac. Qʼuele chuqui tac yom maʼ mel chaʼan cheʼ yilal miʼ ñumen sujtel a melbal cheʼ bajcheʼ i chaʼan Jehová. I chaʼlen wersa chaʼan maʼ bej tojʼesan jiñi a melbal tac chaʼan maʼ wʌqʼuen i tijicñʌyel Jehová.

3. ¿Bajcheʼ mi caj i coltañet Jehová chaʼan maʼ bej pʼʌtʼan majlel?

Jiñi Biblia miʼ yʌl: «Dios [...] mi caj i yujtesan i chajpañetla. Jin mi caj i xucʼchocoñetla, jin mi caj i pʼʌtʼesañetla, jin mi caj i yʌqʼuetla ti tsʌts bʌ laʼ cʼʌclib» (1 Pedro 5:10). Ti lac pejtelel an lac pʌyol ti mulil, pero Jehová miʼ yʌqʼueñonla jiñi i cʼʌjñibal bʌ lac chaʼan chaʼan mi lac mʌlben (jotben) (Salmo 139:23, 24). Cheʼ jaʼel, miʼ yʌqʼueñet i tʼan chaʼan mi caj i ñijcʌbeñet a pusicʼal chaʼan xucʼul maʼ melben i yeʼtel yicʼot chaʼan mi caj i yʌqʼueñet a pʼʌtʌlel (pejcan Filipenses 2:13).

 LAʼ LAC ÑUMEN ÑAʼTAN

4. Mach a cʌy a pejcan Jehová, jiñi ñumen wem bʌ a wamigo

Jiñi oración yicʼot i pejcʌntel jiñi Biblia an i coltayet chaʼan maʼ sujtel tiʼ yamigo Jehová. ¿Mejl ba i coltañet iliyi chaʼan ñumen lʌcʼʌlto maʼ wubin a bʌ tiʼ tojlel? ¿Bajcheʼ?

Pejcanla Salmo 62:8 i tem alʌla iliyi:

• Mi tsaʼ ñumen weñʼesa jiñi a woración tac mi caj i coltañet chaʼan maʼ ñumen sujtel ti wem bʌ i yamigo Jehová. ¿Bajcheʼ miʼ mejlel a mel?

Pejcanla Salmo 1:2 i tem alʌla iliyi:

• Mi tsaʼ ñumen weñʼesa bajcheʼ maʼ pejcan jiñi Biblia mi caj i coltañet chaʼan maʼ ñumen sujtel ti wem bʌ i yamigo Jehová. ¿Bajcheʼ miʼ mejlel a mel?

¿Bajcheʼ miʼ mejlel a ñumen locʼsʌben i wenlel jiñi estudio ti a bajñelil? Chaʼan mi laʼ ñaʼtan chuqui miʼ mejlel laʼ mel, qʼuelela jiñi VIDEO. Cheʼ jiñi tem alʌla iliyi:

• Ti jiñi tsaʼ bʌ ajli ti jiñi video, ¿baqui bʌ a wom a mel?

• ¿Chuqui ti tema tac a wom a cʌn?

 TSAʼ BɅ LAJ CɅÑɅ

Bej pʼʌtʼesan bajcheʼ añet a wicʼot Jehová yicʼot ñaʼtan chuqui tac miʼ mejlel a mel tiʼ tojlel. ¡Cheʼ bajcheʼ jiñi tijicña mi caj a mejlel ti chumtʌl tiʼ pejtelel ora!

¿Chuqui tsaʼ cʌñʌ?

• ¿Chucoch maʼ ñop chaʼan Jehová mi caj i coltañet chaʼan xucʼul maʼ melben i yeʼtel?

• ¿Chuqui miʼ mejlel a mel chaʼan miʼ ñumen pʼʌtʼan bajcheʼ añet a wicʼot Jehová?

• ¿Chucoch ñuc i cʼʌjñibal cheʼ maʼ ñaʼtan chuqui tac miʼ mejlel a mel chaʼan maʼ bej colel majlel?